x

X
22/01/2025 - 13:54
کۆمبوونا پەرلەمانێ کوردستانێ نەهاتە ئەنجامدان

كۆمبوونا په‌ڕله‌مانێ كوردستانێ ژبه‌ر نه‌بوونا نیسابا ياسايى نه‌هاته‌ ته‌مامكرن و سه‌رۆكێ ده‌مكى ده‌ستبه‌ردارى پۆستێ خۆ بوو، ل گۆڕه‌یى رێزبه‌ندییا ته‌مه‌نى ئازاد محه‌مه‌د ئه‌مین دێ بیته‌ سه‌رۆكێ ده‌مكى یێ په‌ڕله‌مانى.

ئه‌ڤرۆ داخوازا كۆمبوونا په‌ڕله‌مانى هاتبووكرن بۆ وێ یه‌كێ ده‌سته‌یا سه‌رۆكایه‌تییا په‌ڕله‌مانى بهێته‌ دانان، لێ نیسابا ياسايى ته‌مام نه‌بوو و محه‌مه‌د سلێمان، سه‌رۆكێ ده‌مكى یێ په‌ڕله‌مانێ كوردستانێ ده‌ستبه‌ردارى پۆستێ سه‌رۆكێ ده‌مكى یێ په‌ڕله‌مانى بوو.

ل گۆڕه‌یى زانیاریێن كورديو ئازاد محه‌مه‌د ئه‌مین ل دویف رێزبه‌ندییا ته‌مه‌نى وه‌ك دووه‌م مه‌زنترین په‌ڕله‌مانتار دێ بیته‌ سه‌رۆكێ ده‌مكى یێ په‌ڕله‌مانێ كوردستانێ.

د کۆمبوونێ بتنێ دا 26 پەرلەمانتار ئامادەبوون ئەو ژى پەرلەمانتارێن فراکسیۆنێن یەکگرتوو و نەوەی نوێ و هەڵوێست و چەند پەرلەمانتارەکێن پارتی و ئێکەتی ئامادەبوون.