سەقاناسیا عێراقێ راگەهاند، دهێتە پێشبینیکرن ژ سوبەهی ڤە پێلەکا باران بارینێ دەڤەرێن جودایێن هەرێمێ ڤەگریت، سەقاناسیا هەرێمێ ژی دبێژیت، ئەڤرۆ و سوبەهی ئەسمان عەور و نیڤ عەور دبیت و ل دەڤەرێن چیایی و سنوری بەفر و باران دێ بارن.
ئەڤرۆ چارشەمبی، سەقاناسیا عێراقێ راگەهاند، دهێتە پێشبینیکرن ئەڤرۆ ئەسمان ساهی بیت و پشترا و ل دەمێن شەڤێ ئەسمان بۆ عەورێ تەمام دهێتە گۆهڕین و ژ سوبەهی ڤە باران بارین دێ دەست پێکەت.
سەقاناسیا عێراقێ ئاماژە ب وێ یەکێ ژی کر، پێلا باران بارینێ سێ رۆژا دێ بەردەوام بیت.
سەقاناسیا هەرێمێ ژی ئەو یەک بەرچاڤکر، ئەڤرۆ ئەسمان نیڤ عەور دبیت ب گشتی و ئێڤاری بۆ عەورێ تەمام دهێتە گۆهڕین ب تایبەت ل دەڤەرێن چیایێن بلند و سنوری، دگەل دابارینەکا کێم یا بەفر و بارانێ ل دەڤەرێ چیایی.