كۆمپانیاییەكی هیندی نیازی وایە مۆبایلێك دروست بكات كە چەند پێكهاتەیەكی هەیەو تێچووەكەی تەنها چەند دۆلارێكە.
ئەو كۆمپانیا هیندیە ناوی (رینگنگ بێلز) ەو نیازی وایە مۆبایلێك بەناوی (فریدۆم 251) دروست بكات و نرخەكەشی تەنها چوار دۆلارە، ئەوەش بەهەرزانترین نرخی مۆبایل لەجیهان ئەژماركراوە.
زانیارییەكان ئاماژە بەوەدەدەن، كە مۆبایلەكە بەسیستەمی ئەندرۆید كاردەكات و شاشەكەی چوار ئینجەو میمۆری ناو مۆبایلەكە یەك گێگا بایتەو میمۆری دەرەوەش هەشت گێگابایتە.
هەروەها مۆبایلەكە دوو كامێرای هەیە، كامێرای دواوەی روونییەكەی (3.2) مێگا پێكسڵەو هاوشانی نەوەی سێیەمی هۆكارەكانی راگەیاندنە.