چۆن خۆت ڕادەهێنیت كە شۆفێرێكی تیژڕەو نەبیت؟ لەكوردیو بیزانە
كوردی عربي English

هه‌واڵ وه‌رزش وتــار دیدار و چاوپێكه‌وتن فۆتۆگه‌له‌ری ڤیدیۆگه‌له‌ری ده‌رباره‌ی ئێمه‌
x

چۆن خۆت ڕادەهێنیت كە شۆفێرێكی تیژڕەو نەبیت؟ لەكوردیو بیزانە

 

خێرایی لەكاتی شۆفێریكردن بەسەرەكیترین هۆكاری ڕووداوەكانی هاتوچۆ دادەنرێت، تەنانەت بەگوێرەی ئامارەكان، ئەو ڕووداوی هاتوچۆیانەی بەهۆكاری دیكە ڕوودەدەن، بەدڵنیایی تیژڕەویش زەرەرو زیانە گیانی‌و مادییەكان زیاتر دەكات، هاوكات ئەگەر شۆفێر لەسەرخۆ شۆفێریی بكات‌و تیژڕەویی نەكات، دەتوانێت خۆی لەهەڵە‌و ڕووداوی هاتوچۆی شۆفێرانی دیكە لەسەر شەقام‌و ڕێگەوبان بپارێزێت.

 

بەوتەی شارەزایان شۆفێر دەتوانێت خۆی بپارێزێت لەڕووداوەكانی هاتوچۆ، ئەگەر لەسەرخۆ شۆفێریی بكات، تیژڕەویش خوویەكە پەیوەندی بەكەسایەتیمانەوە هەیە، كە پەیوەندیشی بەكەسایەتیمانەوە هەبێت، كەواتە ئێمە دەتوانین بەمەشق‌و ڕاهێنان خۆمان زاڵ بكەین بەسەر ئەو حەز‌و خوو خولیایەدا‌و كۆنترۆڵی خۆمان بكەن‌و واز لەتیژڕوەی بهێین.

 

ئێمە بەپشت بەستن بەڕێنمایی‌و ئامۆژگاری پسپۆرانی تایبەتمەند، كۆمەڵێك ڕێنمایی‌و ئامۆژگاری بۆ شۆفێران دەخەینەڕوو، بۆ خۆ ڕزگاركردن لەخێرایی‌و تیژڕەوی لەڕێگەوبان:-

 

1- وێنەی كەسێكی خۆشەویست‌و ئازیزت لەئۆتۆمبێلەكە دابنێ، بۆ نموونە بچوكترین منداڵت، بۆئەوەی هەمیشە بەهای ژیانی خۆت لەیادبێت‌و بەهۆی خێراییەوە لەدەستی نەدەیت، بەبینینی وێنەكە هەست بەرپرسیارتیت لەبەرامبەر خۆت‌و ئەوانی دیكە زیاتر دەبێت‌و هەمیشە ئەوەت لەیادە كە خێزانەكەت چاوەڕوانی تۆ دەكەن، بەسەلامەتی بگەڕێیتەوە لایان.

 

2- كاتێك سواری ئۆتۆمبێلەكەت دەبیت‌و پشتێنی سەلامەتی دەبەستیت‌و خۆت ئامادە دەكەیت بۆ شرفێریكردن، یەك خولەك بوەستە، لەبەرئەوەی ئەو ماوە كورتە واتە یەك خولەكە، هێور‌و ئارامت دەكاتەوە لەگەڵ دەستپێكردن‌و كاتی شۆفێریكردنیشدا.

 

3- هەمیشە لەكاتی شۆفێریكردندا گوێ لەگۆرانی ڕیتمی هێواش بگرە، هەرگیز گوێ لەو گۆرانیان مەگرە كە ڕیتمەكەیان خێرایەوە لەڕووی دەروونییەوە هانت دەدەن تیژڕەوی بكەیت، بەوتەی شارەزایانیش گوێگرتن لەگۆرانی ڕیتمی هێمن‌و هێواش، تەركیزی شۆفێر زیاتر دەكات، لەگەڵ ئەوەشدا پێویستە دەنگی میوزیكەكە مامناوەند بێت‌و بەرز نەبێت.

 

4- هەمیشە بیر لەسروشت‌و پێشبینیەكانی ڕێگەوبان‌و ئەو شەقامەی كە پێیدا تێپەڕ دەبێت بكەرەوە، بۆ نموونە پێشبینی بوونی ئۆتۆمبێل بكە كە لەلای ڕاست‌و چەپی ڕێگەكەوە لەهەر ساتێكدا دێنە بەردەمت، یاخود ناوچەكە شوێنێكی نیشتەجێبوونی چڕە، یاخود تۆ نزیك دەبیتەوە لەخوێندنگەیەك، ئەمەش واتای بوونی منداڵ لەسەر شەقام، ئەمەش ناچارت دەكات خێراییەكەت كەمبكەیتەوە، بۆئەوەی تووشی كارەسات نەبیت.

 

5- هێمایەكی ڕوونی سور لەسەر پێوەری خێرایی ئۆتۆمبێلەكەت دابنێ، بەتایبەتی ئەوپەڕی خێرایی ناوشار، ئەم هێمایە وات لێدەكات هەمیشە چاودێری خێراییەكەت بكەیت‌و ڕەنگە سورەكەش وات لێدەكات هەست بەمەترسی بكەیت، لەكاتی تێپەڕاندنی خێرایی دیاریكراودا.

 

6- پسوڵەی دواین سەرپێچی خێراییت لەئۆتۆمبێلەكەتدا دابنێ، بەڵكو ببێتە ڕێگرێك بۆ تیژڕەوی نەكردنت.

 

 

 

 

 

ئامادەكردنی: فوئاد هەورامی

هه‌واڵی گرنگ