به‌م شێوه‌یه‌ زاڵبه‌ به‌سه‌ر خواردنی شه‌كر و شیرینی
كوردی عربي English

هه‌واڵ وه‌رزش وتــار دیدار و چاوپێكه‌وتن فۆتۆگه‌له‌ری ڤیدیۆگه‌له‌ری ده‌رباره‌ی ئێمه‌
x

به‌م شێوه‌یه‌ زاڵبه‌ به‌سه‌ر خواردنی شه‌كر و شیرینی

شەکر ئەگەری تووشبوون بە چەندین نەخۆشی زیاددەکات، وەکوو قەڵەوی و شەکرە و نەخۆشییەکانی دڵ و نەخۆشییەکانی ددان و تەنانەت خەمۆکی، بۆیە وازهێنان لە شەکر لە مەترسیی تووشبوون بەو گرفتانە کەمدەکاتەوە و باری تەندروستیی گشتیت باشتر دەکات.

بەڵام وازهێنان لە شەکر پرۆسەیەکی هەروا ئاسان نییە و جەستە بە ئاسانی و بە بێ گرفت کۆڵنادات، چونکە وەکوو چەندین توێژینەوەی زانستی دەریانخستووە، کاریگەریی شەکر لەسەر مێشک هاوشێوەی کاریگەری ماددە هۆشبەرەکانی وەکوو نیکۆتین و کۆکایین و مۆرفینە، واتە جۆرێک لە ئالوودەبوون دروستدەکات.

بۆیە بە وازهێنان لە شەکر چەند نیشانەی جەستەیی و دەروونی نەخوازراو دروستدەبن، کە لە کەسێکەوە بۆ کەسێکی دیکە دەگۆڕێن، بەڵام لە هەموواندا کاتین و ئەگەر خۆراگربین، پاش ماوەیەک کۆتاییان دێت.

نیشانەکان بەزۆری دوو هەفتە یان هەندێک کەمتر و زیاتر بەردەوامدەبن بەپێی سروشتی جەستەی کەسەکە، بەزۆریش لەماوەی نێوان ژەمەکاندا زیاتردەکات، هەروەها لە کاتەکانی دڵەڕاوکێ و شەکەتیدا.

لەو نیشانانەی کە دوای وازهێنان لە شەکر دروستدەبن دەکرێ ئاماژەبکەین بە؛ خەمۆکی، دڵەڕاوکێ، زیادبوونی ئارەزووی خواردن، سەرسووڕان، هێڵنج و هەستکردن بە ماندوویه‌تی.

 

بۆ زاڵبوون بەسەر ئەم نیشانە بێزارکەرانەدا، هەندێک هەنگاو گرنگن، وەک:

1- زۆر خواردنی ڕیشاڵە خۆراکییەکان

2- زۆر خواردنی پڕۆتین

3- زۆر ئاوخواردنەوە

4- وەرزشکردن

5- کەمکردنەوەی ماوەی بێکاری

هه‌واڵی گرنگ