سودەكانی سەرخەوی نیوەڕوانتان زانیوە ؟؟
كوردی عربي English

هه‌واڵ وه‌رزش وتــار دیدار و چاوپێكه‌وتن فۆتۆگه‌له‌ری ڤیدیۆگه‌له‌ری ده‌رباره‌ی ئێمه‌
x

سودەكانی سەرخەوی نیوەڕوانتان زانیوە ؟؟

 

 

سەرخەوی نیوەڕوان زۆر تایبەتمەندی هەیەو بە تەنها ئەوە نییە بەو تۆزە خەوە ماندوێتی لەش دەرچێت، بەڵكو ئەم باشییانەشی هەیە:

1. زیادبوونی دیقەت : دوای (20) خولەك لەوەی مرۆڤ چاوی دەچێتە خەو، كە هەڵستا لەخەو دەتوانێت باشتر كاربكات ‌و تێكڕای دیقەتدان زیاتر دەبێت و بە پێی پسپۆڕانیش سەرخەوی نیوەڕوان كاری هزر بە ڕێژەی (35%) زیاد دەكات.

2. هێزی جەستەیی زیاتر : بەهۆی سەرخەوی نیوەڕوانەوە جەستە توانای بۆ دەگەڕێتەوەو ئەوانەشی وەرزش دەكەن، سەرخەو زۆر بەسوودە بۆیان و تواناو هێزێكی باشیان دەبێت بۆ وەرزشكردن، ئەوەی پێویستە دوای ئەوەی لەخەو هەڵدەستن، پێویستە چەند جووڵەیەكی خۆگەرم كردن بكەن ئینجا دەست بكەنەوە بە وەرزش.

3. ئاسانی دابەزاندنی كێش : بەپێی توێژینەوەیەكی كۆمكاری ئەمریكا بۆ توێژینەوە لەقەڵەوی، كەمخەوی دەبێتە هۆی زیاتر بوونی مەترسییەكانی قەڵەوی و بەپێی توێژینەوەیەكی دیكەی زانكۆی ئۆكسفۆردیش «ماندوێتی ئارەزووی خواردنی مرۆڤ زیاتر دەكات، بەڵام ئەو سەرخەوەی نیوەڕوان وا دەكات مرۆڤ بحەوێتەوەو ئارەزووی خواردنیشی جێگیر بێت.

4. باشتر كردنی تەندروستی : لەدوو توێژینەوەی جیای زانكۆی ئەسینای یۆنان و سكوڵی هارڤارد بۆ تەندروستی گشتی توێژینەوە كراوە سەبارەت بە پەیوەندی نێوان سەرخەوی نیوەڕوان و خۆپاراستن لە نەخۆشییەكانی دڵ و بۆرییەكانی خوێن كە بە بەشداری (23681) كەس كراوەو ماوەی چەند ساڵێكی خایاندووە، دەركەوتووە ئەوانەی هەمیشە نیوەڕوان بۆ ماوەیەكی كورت دەخەون ڕێژەی تووشبونیان بە نەخۆشی دڵ (37%) بووە.

5. دەردانی هۆرمۆنی دڵخۆشی : بە هۆی سەرخەوی نیوەڕوانەوە لەش بڕێكی باش لە هۆڕمۆنی (سیرۆتۆنین) دەردەداتە ناو خوێنەوە كە بە هۆرمۆنی دڵخۆشی ناسراوە.

كەی باشترین كاتە بۆ سەرخەو شكاندن ؟

بەپێی پسپۆڕانی تەندروستی باشترین كات بۆ سەرخەو لەنیوەڕواندا لەنێوان سەعات یەك بۆ دووی پاش نیوەڕۆدایەو ئەگەر كەسێك سەعات (3) بخەوێت ئەوا ئەو خەوتنە كار لە سەعاتی ناوەوەی مرۆڤەكە دەكات.

هه‌واڵی گرنگ