دژە گەندەڵى، ڕاوەستانەک ودوو پێنگاڤ
كوردی عربي English

هه‌واڵ وه‌رزش وتــار دیدار و چاوپێكه‌وتن فۆتۆگه‌له‌ری ڤیدیۆگه‌له‌ری ده‌رباره‌ی ئێمه‌
x

دژە گەندەڵى، ڕاوەستانەک ودوو پێنگاڤ

ل وەڵاتێ مە هەتا ئەڤرۆ – مخابن - کەنیا ب ئاقلێ مە دهێتە کرن، ولەیزتن ب چارەنڤێسێ مە یا بەردەوامە، تا نها دەنگێ شەرە گەندەڵى تر زۆر یێ بلندە ژکوپیتکا حوکمڕانیا کوردستانێ پشتى کون گەلەک ژهەمى جۆرێن پنیدۆزکرنێ مەزنتر لێهاتى، وئەڤ وارە ژئەنجامێ گەندەڵکاریێ گەهشتیە ل سەر لێڤا نهالا ژناڤچوونێ، لێ درێژ ناکم ئەڤ دەنکێ بلند قەت جهێ باوەریێ نینە، کو ئەوێت دبێژن دێ پێژن ژى، ژبەرکو رێکا نەهێلانا ڤێ پەنجەشێرا پیس – گەندەڵیێ – نە ب گۆتن وپرۆپاکندەیانە وئاخفتنێت بریقەدارن، رێکا وێ – ئەگەر ڤیان وئیڕادە هەبت - تشتەکێ دیترە!

دێ بێژین رێکا ڕاستا چارەسەریێ ئەوە: بەریا هەر کریارەکا چوونا بەرەڤ کنارێ چاکسازیێ حەتمەن دڤێت ئەو قویناغا ترسناکا گەندەڵیێ دویماهى پێ بهێت، چونکى هەر کەسێ بچەک رێزێ ل ئاقلێ هاوڵاتیا بگرتن دێ زانت خۆ یەک کەسێ خۆدان ژیر باوەرناکت چاکسازى بهێتە کرن دگەل خراپسازیێ؛ کو نابت دگەل پێڤاژۆیا بەردەوام یا قورغکرنا ئابۆرى، وتاڵانکرنا سامانێ گشتى، وحزبیکرنا دەستهەڵاتێ، وبەرەڵاییا ئیدارى، ونەدادیا جڤاکى، و بلا ل سەر بەرکێ بت نابت دگەل مانا سەدەها هزار بندیوارێت ب حەرامى ماڵێ گشتى پێ بەخشین، وئابۆرێ کوردستانێ ژناڤبرین...وهتد ژجۆرێت گەندەڵیا بێ وێنە موستەحیلە کارێ چێکرنێ بەرقەڕاربت، چەوا دگەل ئەڤا مە گۆتى ویا مە نە گۆتى چاڤێت چاکسازىێ دێ ڕوناهیێ بینن، چەوا دێ مومکن بت مرۆڤ ل دەستێ چەپێ ب رێڤە بچیت ودهەماندەمدا ل دەستێ ڕاستێ ژى بچیت؟!

دڤێت ئێکەم تشت رێکا چەپ وچەبکرنێ بهیتە گرتن ب ڕاوەستانا دەستهەڵاداران ژگەندەڵیێ وڕاوەستاندنا گەندەڵکاریێ، وپاشێ پێنگاڤا ئێکێ بەرەڤ چاکسازیێ ئەوە: ل رێکا ڕاستێ ب دەنە ڕێ؛ کو بەرنامەیەکێ توکمەیێ دەستنیشانکرى بهێتە پێشکێشکرن یێ کەتوارى – واقیعى- بت، وقەبۆلکرن ئانکو تەوافق ل سەر هەبت ل سەر ئاستێ دەزگەهێ تەشریعى ودیسان جەماوەرى، وتێدا دادى بهێتە بەرجەستەکرن نەکو ل سەر حەسێبا خەلکێ خودان ماف وهەژران پلان بهێتە دارشتن، وەکى ئەڤا ل ڤێ دویماهیێ هاتیە کرن فەرمانبەرێت خزمەتکار بکن قوربارنێت مافخوارێت ستەمکار، وبلیلا چاکسازیێ دبەڕا بۆ مە لێبدن!

وپێنگاڤا دووێ ئەڤەیە: دەست ب رێکارێت ب لەز بهێتە کرن ژبۆ چاکسازیێ وقویناغێت دیار بهێنە ڕاگەهاندن، نەکو تەنها بۆقێت دەستهەڵاتێ مەژێ مە ڕەش بکن ب بەحسێ چاکسازیێ، وبەرپەرێت سایت وپەیج وکاغەزێن رۆژناما ڕەش بکن دا دلێ خودانێت کوردستانێ – هاوڵاتیان – خوەش بکن!

بلا بزانن چ جاران دلێت خەلکێ خوەش نابن هەتا چاکسازیا ڕاستەقینە پەیڕەو نە بتن ب سێ تشتێت بەحس ژێ هاتیە کرن: (ڕاوەستاندنا زولما گەندەڵیێ، ول خوەزڤڕینا بەرەڤ چاکى ودادیێ، وب جهئینانا پڕۆگرامێ چاکسازیێ).

هه‌واڵی گرنگ