هۆكارەكانی شێرپەنجەی گەدە بزانن
كوردی عربي English

هه‌واڵ وه‌رزش وتــار دیدار و چاوپێكه‌وتن فۆتۆگه‌له‌ری ڤیدیۆگه‌له‌ری ده‌رباره‌ی ئێمه‌
x

هۆكارەكانی شێرپەنجەی گەدە بزانن

 

 

1. پوكانەوەی دیواری ناوەوەی گەدەو لە دوا ڕۆژدا گۆڕانی بەرەو شێرپەنجە: بەهۆی جۆرە بێ خوێنیەك (فقر الدم) كە پێی ئەوترێت بێخوێنی خراپ (الفقر الدم الخبیث، Pernicious Anemia).

2. بڕینی بەشێك لە گەدە بە نەشتەرگەری، دیواری ناوەوەی بەشەكەی كەماوەكە لەوانەیە بگۆڕێت بەرەو شێرپەنجە.

3. هەوكردنی دیواری ناوەوەی گەدە بە میكرۆبی گەدە (Helicobacter Pylori).

4. گۆڕانی دیوی ناوەوەی گەدە بۆ جۆری (باریت) (Barrett's Esophagus) بە هۆی هەندێ‌ هۆكارەوە.

5. گرێی دیواری ناوەوەی گەدە، هەروەك ڕیخۆڵە گەورە لەوانەیە بگۆڕێت بۆ شێرپەنجە.

6. جگەرە خواردن.

7. بۆماوەیی: باشترین وێنە ناپلیۆن پۆناپارت و باوكی و باپیری و ژمارەیەكی بەرچاو لە نەوەكانیان كە شێرپەنجەی گەدەیان بووە، ئەو كەسەی برای، خوشكی، دایكی یان باوكی شێرپەنجەی گەدەی هەبێت، ئەویش دووتا سێ جار لە خەڵكی ئاسایی لەوانەیە زیاتر تووش ببێت، هەروەها لە گروپی خوێنی (A) زیاترە لە خەڵكی ئاسایی.

8. بە گشتی لە خەڵكە هەژارەكاندا زیاترە، تەنها ئەو جۆرەی دەرگای سەرەوەی گەدەو خوارەوەی سورێنچك نەبێت كە لە دەوڵەمەندەكاندا زیاترە.

(د. سیروان حەمە شەریف قەرەداغی – پزیشكی نەشتەرگەری گشتی)

هه‌واڵی گرنگ