كۆڕۆناو چەند ڕاستییەك
كوردی عربي English

هه‌واڵ وه‌رزش وتــار دیدار و چاوپێكه‌وتن فۆتۆگه‌له‌ری ڤیدیۆگه‌له‌ری ده‌رباره‌ی ئێمه‌
x

كۆڕۆناو چەند ڕاستییەك

 

 

1. ژمارەی تووشبووان پێمان دەڵێن: لەحاڵەت دەرچووەو بڵاووبوونەوەكەی لەگشت شارو شارۆچكەكان جێگەی هەڵوێستەیەو دەبێ بەهەندی وەرگرین. 

2. تكایە ناكۆكی و گلەیی لەحزبی سیاسی و حكومەت و ڕاگەیاندنەكان مەكە هۆی كەمتەرخەمی و بێباكی لەخۆپارێزی. 

3. بەردەوامبە لەكارو پیشەی خۆت بۆ پەیداكردنی بژێوی ژیانت، بەڵام خۆت و دەورووبەرت بپارێزە (دووركەوتنەوە لەقەرەباڵغی، بەكارهێنانی ماسك و دەستكێش و .... هتد). 

4. دیاردەی پاساو هێنانەوە بۆ ئەوانەی كەنیشانەی (كۆڕۆنا) یان هەیە بەنەخۆشی تری (گرانەتا، پەسیو، لەوزەتێن ...... هتد) كارێكی زۆر نەشیاو هەڵەیە بەرامبەر بەنەخۆش و ئەوانەی كە لەگەڵیدا دەژین، تكایە خۆتان بەهەڵە مەبەن. 

5. تووشبوون بە (كۆڕۆنا) هیچ (عەیب و نەنگی) نییە، پێویستە بەئاسایی وەریگرین، خۆ (ئایدز) نییە لەڕێگەی كاری نەشیاو بۆت هاتبێت، عەیبە ئەوەیە كەئینكاری بكەی و خەڵكانی تر لەعینادی تۆ تووشبن. 

6. گەر نیشانەكانت زۆرتووند نییە تەنها لەماڵ بمێنەوە لەگەڵ خۆپارێزی و بەكارهێنانی چارەسەر لەنزیكترین شوێنی كاری پزیشكی، گووناهت دەگا گەر ئەندامانی خێزانت یان خۆشەویستان تووشبكەی لەبەرعینادی و كەمتەرخەمی تۆ.

7. دەبێ ئامانجمان دواخستنی نەخۆشییەكە بێت، چونكە درەنگ یازوو هەموومان تووش دەبین، بەڵام چەند درەنگ تر تووش بین باشترە تا كەمترین لۆد (فشار) لەسەر نەخۆشخانەكان (پزیشك و كارمەندان) دروستبێ تا لە توانای عیلاج و خزمەتكردندا بێت، وە ڕۆژ بەڕۆژ زانیاری پزیشكی زیاترو چارەسەرو دەرمانی زیاتر دەدۆزرێتەوە كەوا دەكا بەئاسانی و كەمترین زیان نەخۆشییەكە تێپەڕێنین.

(دكتۆر ئازاد حەسەن)

هه‌واڵی گرنگ