سەرۆك كۆماری توركیا ڕایگەیاند : بوونی سەربازی وڵاتەكەی لە خاكی سوریا تاكو ئەوكاتەی هاوڵاتیانی سووریا بگەنە ئاسایش و ئازادی، بەردەوام دەبێت.
ئاژانسی ڕاشا تودەی بڵاویكردۆتەوە، (رەجەب تەیب ئەردوگان) سەرۆكی توركیا ڕەخنەی لە هەڵبژاردنی پەرلەمانی سوریا گرت و وتی، سەربازانی وڵاتەكەی لە خاكی ئەو وڵاتە دراوسێیە دەمێننەوە تاكو ئەو كاتەی گەلی سوریا بگەنە ئاسایش و ئازادی.
شایانی باسە هەڵبژاردنی پەرلەمانی سوریا ڕۆژی یەكشەممە لە سەرجەم ئەو ناوچانەی كە (بەشار ئەسەد) دەسەڵاتداری دەكات بە سەریدا بەڕێوەچوو.