بەڕێوەبەرایەتی پۆلیسی ڕاپەڕین ڕایدەگەیەنێت كه‌ لە دوو كاتی جیاوازدا دوو باندی دزیكردنیان دەستگیر كردوه‌و دانیان ناوه‌ به‌تاوانه‌كانیان.

لە ڕاگەیەنراوێكدا بەڕێوەبەرایەتی پۆلیسی ڕاپەڕین ئاشكرای كردووه‌: پاش بەدەستهێنانی زانیاری و لەسەر سكاڵای هاووڵاتیان پۆلیسی نوسینگەی نەهێشتنی تاوانی پشدەر لە دوو كاتی جیاوازدا دوو باندیان دەستگیر كرد كە هەستاون بە دزیكردن لەناو بازاڕ و پاركەكان و لە بەردەم پۆلیسدا دانیان ناوە بە تاوانەكانیاندا وپاش لێكۆڵینەوە لەگەڵیاندا بەوتەی یەكێك لە بەندكراوەكانی باندی یەكەم 20 ماتۆڕسكیلیان دزیوە لەگەڵ دەمانچەیەك، وە سەرجەمیان مامەڵەی كڕین و فرۆشتنیان پێوە كراوە.

پۆلیسی راپه‌رین ڕوونیشیكردۆته‌وه‌ بە وتەی باندی دووەم كە بە هاوكاری ئاسایشی سەروچاوە دەستگیر كراون، ئەوانیش هەستاون بە دزینی یەك ماتۆڕسكیل و ئەویش دەستی بەسەردا گیراوە، ئەو دوو باندە پێكهاتوون و لە 6 كەس و لەكات و ساتی جیاوازدا بە فەرمانی دادوەر دەستگیر كراون و هەر باندە و پێكهاتووە لە 3 كەس، لە ئێستادا بە ماددەكانی 443 و 446 ڕاگیر كراون، دۆسیەی لێكۆڵینەوەیان بۆ كراوەتەوە و لێكۆڵینەوەش لەگەڵیاندا بەردەوامە.