فرۆكه‌خانه‌ی نێوده‌وڵه‌تی هه‌ولێر راگه‌یه‌ندراوێك بڵاوده‌كاته‌وه‌
كوردی عربي English

هه‌واڵ وه‌رزش وتــار دیدار و چاوپێكه‌وتن فۆتۆگه‌له‌ری ڤیدیۆگه‌له‌ری ده‌رباره‌ی ئێمه‌
x

فرۆكه‌خانه‌ی نێوده‌وڵه‌تی هه‌ولێر راگه‌یه‌ندراوێك بڵاوده‌كاته‌وه‌

كوردیو

فرۆكه‌خانه‌ی نێوده‌وڵه‌تی هه‌ولێر سه‌باره‌ت به‌ ده‌ستپێكردنه‌وه‌ی گه‌شته‌ ئاسمانییه‌كان راگه‌یه‌ندراوێك بڵاوده‌كاته‌وه‌ و رایده‌گه‌یه‌نێت:پێویستە گەشتیارانی چوون و ھاتن دەمامک و دەستکێش بەکاربھێنن لە تێرمیناڵی فڕوکەخانە.

ئه‌مرۆ شه‌ممه‌ 1-8-2020 فرۆكه‌خانه‌ی نێوده‌وڵه‌تی هه‌ولێر له‌ راگه‌یه‌ندراوێكدا كه‌ وێنه‌یه‌كی ده‌ست (كوردیو) كه‌وتووه‌ رایگه‌یاندووه‌، بەپێی ئەو شوێنەی کە گەشتی بۆ ئەنجام دەدەن، گەشتیاران پێویستییان بە پشکنینی ڤایرۆسی کۆڕۆنا لە جۆری (PCR)، پێویستە گەشتیاران بەر لە ھاتنیان بۆ فڕۆکەخانە، پەیوەندی بە ئەو ھێڵە ئاسمانییەۆە بکەن کە گەشتەکەیان لە رێگەیەوە ئەنجام دەدەن، بۆ دڵنیا بوون لە جێبەجێکردنی رێنماییە تەندروستییەکانی ئەو شوێنەی کە بۆی دەچن.

ئاماژه‌ی به‌وه‌شداوه‌، پشکنینەکان، بەپێی بڕیاری بەڕێوبەرایەتی پاراستنی تەندروستی هەولێر، لە بنکەی تەندروستی زانکۆ، رێگای کەرکوک، تەنیشت کۆلێژی زانست، ئەنجام دەدرێن،پێویستە سەرجەم گەشتیارە ھاتووەکان بەڵێننامەیەک پڕبکەنەوە کە بۆ ماوەی 14 رۆژ خۆیان کەرەنتین بکەن، لە دوای گەیشتنیان بۆ ھەرێمی کوردستان.

روونیشیكردووه‌ته‌وه‌، ھەریەک لە شاندی فەرمی، خاوەنکار و ئەو گەشتیارانەی بۆ ماوەیەکی کورت دێنە کوردستان، ئەم خاڵەی سەرەوە (خۆ کەرەنتینکردن بۆ ماوەی 14 رۆژ) نایانگرێتەوە.

ئه‌وه‌ش له‌كاتێكدایه‌،دوای نزیكه‌ی پێنج مانگ له‌ راوه‌ستانی، وابریارە ئەمرۆ شەممە 1-8-2020 هەردوو فرۆكه‌خانه‌ی نێوده‌وڵه‌تی هەولێر و سلێمانی به‌ ڕووی گەشتیاراندا بكرێنەوە.

 

 

هه‌واڵی گرنگ