چارەسەری قەڵەوی و چەوری ورگ بە گیراوە سروشتییەكان
كوردی عربي English

هه‌واڵ وه‌رزش وتــار دیدار و چاوپێكه‌وتن فۆتۆگه‌له‌ری ڤیدیۆگه‌له‌ری ده‌رباره‌ی ئێمه‌
x

چارەسەری قەڵەوی و چەوری ورگ بە گیراوە سروشتییەكان

 

 

1. هیچ گیراوەیەكی سیحراوی نیە چەوری ورگ بتوێنتەوە.

2. چارەسەری قەڵەوی و نەهێشتنی ورگ و دابەزاندنی كێش بەبێ ڕێجیم و بەرنامەی خۆراكی و وەرزش و نووستنی تەندروست دوای دەست نیشان كردنی هۆكاری زۆری كێش و قەڵەوی كارێكی ئەستەمەو دوورە لە ڕاستیەوە. 

3. هیچ گیراوەیەكی سروشتی نیە كە بتوانێت بەبێ كەم كردنەوەی بڕی كالۆری و وزەی وەرگیراو لەڕێگەی خواردن و وازهێنان لە خۆراكی دەوڵەمەند بە وزەو ناتەندروست وەك شیرینی و چەوری و وەرزش كێشی مرۆڤ دابەزێنێت. 

4. ڕاستە كۆمەڵێك گیراوەی سروشتی و گژوگیا یارمەتی زیاتر سووتاندنی چەوری و كەم كردنەوەی ئیشتها ئەدەن، بەڵام بێ پاپەند بوون بە ڕێجیم و وەرزش كردنەوە، كاریگەریان زۆر كەمە، بۆ نموونە قاوەی سەوز، زەنجەبیل، لێمۆو نەعنا، سركەی سێو، گوڵەمێخەك ئەمانە هەموویان سوودیان بۆ جەستە هەیە، بەڵام بە تەنها هیج كاتێك نابنە هۆی دابەزاندنی كێش یان ڕێگرتن لە قەڵەوی. 

5. بەكارهێنانی ئەم گیراوانە زۆر كات دەبێتە هۆی پاك كردنەوەی ڕیخۆڵەكان و نەهێشتنی غازات و قەبزی، بەڵام ناتوانن چەوری ورگ و جەستە بتوێننەوە بێ ڕێجیم و وەرزش و نووستنی تەندروست لە شەودا. 

6. بەڵام ئەگەر لە كاتی ڕێجیمدا بەكاربێن ئەوا ڕێژەی سووتانی چەوری زیاتر دەكەن.

(د. كامەران ڕەسوڵ ژاژڵەیی – پسپۆڕی زانستی خۆراك)

هه‌واڵی گرنگ