یەكەم حەمامی مێژوویی لەم شارەی كوردستان دۆزرایەوە
كوردی عربي English

هه‌واڵ وه‌رزش وتــار دیدار و چاوپێكه‌وتن فۆتۆگه‌له‌ری ڤیدیۆگه‌له‌ری ده‌رباره‌ی ئێمه‌
x

یەكەم حەمامی مێژوویی لەم شارەی كوردستان دۆزرایەوە

 

 

لێكۆڵەرانی شوێنەواری كوردستان پاشماوەی حەمامێكی مێژووییان لە یەكێك لە گەڕەكە كۆنەكانی شاری سنە دۆزیوەتەوە.

بەپێی هەواڵێكی ئاژانسی میهر، لێكۆڵەرانی شوێنەوار پاشماوەی حەمامێكی مێژوویی سەردەمی زەندییان لە گەڕەكەی قەتارچیانی سنە دۆزیوەتەوە.

(خەبات خەلیلی) شارەزا لەبواری شوێنەوارو فەرهەنگی پارێزگای كوردستان وتی: كاری خاك هەڵگرتن لەسەر ئەو شوێنەوارە مێژووییە بە شێوەی هاوبەش لەگەڵ خاوەنەكانی ئەو شوێنە ئەنجام دراوە.

ناوبراو وتی: ئەوەی كە نزیك بە (3) هەزار مەتری چوارگۆشە خاك لەسەر ئەو باڵەخانە مێژووییە هەبووە، وتیشی: نوێكردنەوەی ئەو شوێنەوارە مێژووییە لە داهاتوویەكی نزیك دەست پێدەكات.

ئەو شارەزایەی بواری میراتی فەرهەنگی ڕاشیگەیاند: ئەو حەمامە مێژووییە لە زەویەك بە ڕووبەری (500) مەتری چوارگۆشە دروستكراوە، كە دەركەی چوونە ژوورەوە، بی نە، سەربینە، خەزێنە، حەوزی ئاوو دەستاوی هەیە.

ناوبراو لە ڕووخانی گومەزو تاقەكانی ئەو شوێنە مێژووییە وتی، بەپێی بەڵگەكان، كاری نوێكردنەوە بۆ گومەزو تاقەكانیش ئەنجام دەدرێت.

مێژووی حەمامی پاشاخان دەگەڕێتەوە بۆ سەردەمی زەندیەو یەكەم حەمامی شاری سنەیە.

هه‌واڵی گرنگ