مستەفا كازمی، سەرۆكوەزیرانی عێراق پێشوازی لەو نەوجەوانە كرد كە لەلایەن چەند ئەندامێكی هێزە ئەمنییەكانەوە لە بەغدا ئەشكەنجەدرابوو و سوكایەتی پێكرابوو.
نووسینگەی راگەیاندنی سەرۆكوەزیرانی عێراق بڵاوی كردەوە ، مستەفا كازمی پێشوازی لەو نەوجەوانە كرد كە لەدوو رۆژی رابردوو بەهۆی ئەشكەنجەدان و سووكایەتی پێكردن لەلایەن هێزە ئەمنییەكانەوە تۆڕە كۆمەڵایەتییەكانی تەنیبوو.
وەزارەتی ناوخۆی عێراق بڵاویكردووەتەوە، بە فەرمانی سەرۆك وەزیران و وەزیری ناوخۆ لێكۆڵینەوە لە رووداوی دەستدرێژیكردنە سەر هەرزەكارێكی عێراقی كراوە و سەرجەم ئەو كەسانە ناسراونەتەوە و دەستگیركراون.