تەندروستی سلێمانی ئاماری داخڵبونی توشبوانی كۆرۆنای لە چوار ڕۆژی جەژنی قورباندا لە نەخۆشخانەكانی تایبەت بەكۆرۆنا لە سنوری پارێزگای سلێمانی بڵاو كردەوە و بەپێی ئامارەكەش 16كەس گیانیان لەدەستداوە.
د. یاد نەقشبەندی وتەبێژی بەڕێوەبەرایەتی گشتی تەندروستی سلێمانی لەپەیجی تایبەتی خۆیدا ڕایگەیاندوە" لەچوارۆژی جەژنی قورباندا 78توشبوی كۆرۆنا داخڵی ناونەخۆشخانەكانی تایبەت بەكۆرۆنا لە سنوری پارێزگای سلێمانی كراون"
وتەبێژی بەڕێوەبەرایەتی گشتی تەندروستی سلێمانی ئاماژەی بەوەشداوە" هەرلەوچوار رۆژەدا 16كەس بەنەخۆشیەكە گیانیان لەدەستداوە و 43كەسیش نەخۆشخانەیان جێ هێشتووە"
جێگەی ئاماژەیە بەپێی ئامارەكان تائێستا زیاترلە چوارهەزار هاوڵاتی لەسنوری پارێزگای سلێمانی لە ڤایرۆسی چاكبونەتەوە .