دوێنێ چوار شەممە گرتەیەكی ڤیدیۆیی لە نەخۆشخانەیەكی سەیدسادق بڵاوكرایەوە كە لە ژووری پزیشكێك بوتڵی خواردنەوە كحولیەكانی تێدایە، گرتەكە كاردانەوەی لێكەوتەوەو لیژنەیەكی لەسەر پێكهێندرا.

 

پەیامنێری كوردیو لە سەیدسادقەوە پێی ڕاگەیاندین: دوای بڵاوبونەوەی گرتەیەكی ڤیدیۆی كە تێدا دەردەكەوێت بوتڵی خواردنەوە كحولیەكان لە دۆڵابی پزیشكێكی نەخۆشخانەی شەهید شەوكەت دایە لە سەید سادق، لیژنەیەك لە بەڕێوەبەرایەتی گشتی تەندروستی سلێمانی و قائمقامیەتی قەزای سەیدسادق پێكهێندرا بۆ لێكۆڵینەوە لەو گرتەڤیدیۆیەو گرتنەبەری ڕێكاری یاسایی بەرامبەر سەرپێچیكاران.