بەڕێوەبەرایەتی كەشناسی و بومەلەرزەزانی سلێمانی ڕایدەگەیەنێت: ئەمڕۆ و سبەینێ ڕەشەبا لە شاری سلێمانی بەردەوم دەبێت.
بەڕێوەبەرایەتی كەشناسی و بومەلەرزەزانی سلێمانی لەبارەی ئەو رەشەبایەی چەند ڕۆژێكە شاری سلێمانی گرتوەتەوە، ڕایگەیاند: ڕەشەباكە ئەمڕۆ و سبەینێ بەردەوام دەبێت و تا كۆتایی ئەم هەفتەیە پلەكانی گەرما بەم شێوەیەی ئیستا دەمێننەوە و بەرز نابنەوە.
ئەوەشی خستەڕوو: كەش و هەوا لە شاری سلێمانی ئەم هەفتەیە بە جێگیری دەمێنیتەوە و كەشناسی سلێمانیش لە نوێترین پێشبینیدا بڵاویكردوەتەوە كە نزمترین پلەی گەرما لە شاری سلێمانی بۆ ئەمڕۆ (26) پلە دەبێت.