وەزارەتی دەرەوەی عێراق لە بەیاننامەیەكدا ڕایگەیاند، وڵاتەكە سەردانەكەی وەزیری بەرگری توركیای هەڵوەشاندۆتەوە كە وابڕیاربوو سبەینێ پێنجشەممە سەردانی بەغدا بكات.
هەروەها وتویەتی، وەزارەتی دەرەوەی عێراق بانگهێشتی نوێنەری توركیا دەكات و نوسراوێكی ڕادەست دەكات كە بە زمانێكی توند نوسراوە، هەروەها پێشی ڕادەگەیەنێت عێراق بەتەواوەتی دەستدرێژی و پێشێلكارییەكانی توركیا لە وڵاتەكەدا ڕەت دەكاتەوە.
لە ماوەی ڕابردوودا سوپای عێراق ڕایگەیاند، لە دەڤەری سیدەكات بەهۆی بۆردومانەكانی توركیاوە دوو ئەفسەری پلە باڵای عێراقی سەر بە پاسەوانی سنوور كوژراون و دوو كەسی دیكەش برینداربوون.