وەزیری تەندروستی ئەڵمانیا لەبارەی چارەسەر رووسییەكە قسە دەكات، كە دوێنێ سەرۆكی رووسیا وەك یەكەم ولات چارەسەری كۆرۆنای راگەیاند.
ینس سپان ، وەزیری تەندروستی ئەڵمانیا لەمیانی لێدوانێكیدا بۆ رادیۆی (دۆیچلاند فونك) رایگەیاند : " لەراستیدا زۆر ترسناكە دەست بكەین بە پێكوتینی ملیۆنان كەس، ئەگەر ملیارات نەبێت".
وتیشی : " هێشتا دەرمانەكەی رووسیا پێویستی بە لێكۆڵینەوەی زیاتر هەیە، ناكرێت ئێمە پەلە بكەین لەسەر راگەیاندنی یەكەم وڵات، بەڵكو دەبێت كار لەسەر تەندروستی و كاریگەری ڤاكسینەكە بكەین".
سپان ئەوەیشی وت : " لەراستیدا دڵخۆشم كە چارەسەرەكە راگەیەنراوە ، بەلام كێشەكە ئەوەیە روسیا زانیاری نوێمان پێنادەن لەبارەی ڤاكسینەكە، بۆیە هێشتا بەتەواوی لێكۆڵینەوەمان لەسەر نەكردووە".