یاسا سکسونی چیه ؟!
ردوان گولی / سوید
ئه‌گه‌ر لاپه‌رێن دیروکا مروڤایه‌تیێ لادین ونێرینه‌کا هویر
لسه‌ر بکه‌ین ، زور یاسا ودابونه‌ریت وتیتالێن سه‌یرو عنتیکه هاتینه په‌یره‌وکرن دناڤ چڤاکێ ئاده‌میزاداندا ،هنده‌ک ژ ژوان نه ماینه وهنده‌ک هه‌تا ئه‌ڤروکه ژی به‌رده‌وامی هه‌یه ، یاسا سکسونی ئێک بوو ژ وان یاسایێن گه‌له‌ک سه‌یر ، راسته یاسا وه‌کی دبێژن لاستیکه
دهێته کێشان وه‌کی هنه‌ک که‌س وبه‌رپرس ولایه‌نان دڤێت ، یان ته‌ڤنێ ته‌ڤنپیرکێ یه ، گیاندارێن بچیک دکه‌ڤنێ ویێن مه‌زن ژێ قورتال دبن ، یان زه‌ریا وده‌ریایه ماسیێن مه‌زن ونه‌هه‌نگ ماسیێن بچیک دخون ، یان دارستانه مان بو یێ بهێزه ، یاسا سکسونی ژ لایێ دیروکیڤه
دزفریت بو چه‌رخێ پازدێ ل هه‌رێمه‌کا وه‌لاتێ ئه‌لمانیا بناڤێ سکسونیا دهاته په‌یره‌وکرن ، ئه‌ڤ هه‌رێمه ژهه‌می ته‌خ وچینێن چڤاکی پێک دهات ، ته‌خا جووتیار وکارکه‌ران وبه‌لنگازان ، وته‌خا ده‌ره‌به‌گان ئه‌وان کونترولا هه‌می بیاڤێن ژیانێ کر بوو ، وژیانا وان لسه‌ر
ملێت ته‌خا جوتیار وبه‌لنگازان بوو ، ل ڤێ هه‌رێمێ یاسایه‌ک هاته دانان بو ته‌ڤایا هاولاتیان وتێدا سزا هاتنه ده‌ستنیشانکرن بو هه‌ر که‌سێ تاوانه‌کێ بکه‌ت ژ هه‌ر ته‌خه‌کا چڤاکی (جوتیاران وده‌ره‌به‌گان) بیت بو نموونه ئه‌گه‌ر سزا کوشتنێ بیت یان لێدان بیت یان سه‌ربرین
بیت ، به‌لێ تشتێ سه‌یر دجێبه‌جێکرنا ڤی یاسایدا بوو ،ده‌مێ که‌سه‌کێ ژ ته‌خا جوتیاران تاوانه‌ک کربا ودادگه‌هێ سزایێ کوشتنێ لسه‌ر دابا ، ئێکسه‌ر ل جهه‌کێ گشتی خه‌لک دهاته گازیکرن وئه‌و لبه‌رچاڤێت خه‌لکی دهاته سزادان ، به‌لێ ئه‌گه‌ر تاوانبار ژ ته‌خا ده‌ره‌به‌گان
وسزایێ وی سه‌ربرین یان کوشتن یان لێدان بیت هه‌روه‌سا ل جهه‌کێ گشتی خه‌لک دهاته داخازکرن وتاوانبار داهێت جهێ سزایی ئه‌گه‌ر هه‌ژی کوشتنێ با دا سیتاڤکا وی هێته کوشتن وهه‌روه‌سا لێدان وسه‌ربرین بڤی شێوه‌ی دهاته ئه‌نجامدان ، وخه‌لکی هه‌میان ده‌ست دقوتان ، نوکه
ل هنده‌ک وه‌لاتان هه‌مان یاسایێ سکسونی دهێته بکارهینان به‌لێ بشێوازه‌کێ جیاواز ..
