ئێران..پاڵەوانێکی زۆرانبازی لەسێدارەدرا
كوردی عربي English

هه‌واڵ وه‌رزش وتــار دیدار و چاوپێكه‌وتن فۆتۆگه‌له‌ری ڤیدیۆگه‌له‌ری ده‌رباره‌ی ئێمه‌
x

ئێران..پاڵەوانێکی زۆرانبازی لەسێدارەدرا

دوای تۆمه‌تباركردنی له‌ دادگا بە کوشتنی پاسەوانێکی حكومه‌ت ئەمڕۆ پاڵەوانێکی زۆرانبازی ئێران لەسێدارەدرا

ئه‌مڕۆ شه‌ممه‌ 12 ی ئه‌یلولی 2020، میدیای فەرمیی ئێران بڵاویکردەوە ئەمڕۆ لەدوای کۆتاییهێنانی رێکارەکان و لەسەر داوای کەسوکاری کوژراو،نەوید ئەفکاری زۆرانبازی ئێرانی لەسێدارەدرا

ئه‌مه‌ش دوای ئه‌وه‌ی له‌ دادگا بە کوشتنی پاسەوانێک لەکاتی خۆپیشاندانەکانی دژی حکومەتی ئێران لە ساڵی 2018 و سزای لەسێدارەدانی بۆ دەرچوو.

یەکێتییەکی جیهانیی کە نوێنەرایەتیی 85 هەزار وەرزشوان دەکات، رۆژی پێنجشەممەی رابردوو داوای کرد ئێران لە پاڵەوانیێتییە جیهانییەکان دووربخرێتەوە، ئەگەر ئەو وەرزشوانە لەسێدارە بدات.

دوێنێ هەیینی11 ی ئه‌یلولی 2020 ئەمنیستی ئینتەرناشناڵ راگەیەندراوێکدا ئاماژه‌ی به‌وه‌ كردبو "بەرپرسانی ئێران دەبێت بەزووترین کات چارەنووس و شوێنی نەوید ئەفکاری ئاشکرا بکەن، ئەو پاڵەوانی زۆرانبازییە و مەترسیی لەسەرە بەنهێنی لەسێدارە بدرێت".

هه‌روه‌ها ئەمنیستی ئینتەرناشناڵ داوای کردبوو کۆمەڵگەی نێودەوڵەتی، رێکخراوەکانی سەر بە نەتەوە یەکگرتووەکان و یەکێتیی ئەوروپا، هەوڵبدەن نەوید لەسێدارەنەدرێت.

 ئێران پاڵەوانێکی زۆرانبازی لەسێدارەدا

هه‌واڵی گرنگ