بە پاڵپشتی كەسانی دەسترۆیشتوو لە ساڵەكانی 2011 تاوەكو 2016 زیاتر لە 300 دوكان بە نایاسایی لە قەزای بەردەرەش دروستكراون و چوار ساڵ لەمەوبەریش دادگای بەردەرەش بریاری تێكدانی بەشێك لەو دوكانانەی دەركردووە، بەڵام تاوەكو ئێستا بریارەكانی دادگا جێبەجێنەكراوە.

ئەگەرچی لە ئێستادا ئەو دوكانانە بونەتە هۆی دابینكردنی بژێوی ژیانی چەندان خێزانی هەژارو كەم دەرامەت بەڵام لەسەر پشتی كاسبكاران چەندین ساڵە پارەیەكی زەبەلاح دەچێتە گیرفانی كۆمەڵە كەسانێكەوە كە لە بنەرەتدا نەخاوەن موڵكن نە مافی وەرگرتنی ئەو پارانەیان هەیە.