چین دەڵێت ڤاكسینە رووسییەكە بۆ كۆڕۆنا كارایە
كوردی عربي English

هه‌واڵ وه‌رزش وتــار دیدار و چاوپێكه‌وتن فۆتۆگه‌له‌ری ڤیدیۆگه‌له‌ری ده‌رباره‌ی ئێمه‌
x

چین دەڵێت ڤاكسینە رووسییەكە بۆ كۆڕۆنا كارایە

 

 

 

(ڤالێری شارۆشین) جێگری سەرۆكی ئەكادیمیای رووسی بۆ زانستەكان رایگەیاندووە، كە زانا چینییەكان جەختیان كردۆتەوە كە بەپێی ئەنجامە بەراییەكانی لێكۆڵینەوەكان، دەرمانی (تریازافیرین) ی رووسی بۆ بەرەنگاربوونەوەی ڤایرۆسی كۆڕۆنا كارایە.

لەمانگی رابردوودا راپۆرتەكان باسیان لەوە كردبوو كە لەسەر بنەمای داواكاری كونسوڵخانەی كۆماری چین لە یكاترینبرگ، زاناكان بەمەبەستی تاقیكردنەوە دەرمانەكە دژ بە ڤایرۆسی كۆڕۆنا رەوانەی چینیان كردووە.

بەپێی بەیاننامەیەكی زانكۆی فیدراڵی ئۆراڵی رووسی، شارۆشین رایگەیاندوە: (تریازافیرین) بۆ بەرەنگاربوونەوەی ڤایرۆسی كۆڕۆنا كاریگەری ئەرێنی هەبووە، بەشێوەیەك دەرمانەكە ماوەی نەخۆشییەكەو گەلێك لە نیشانەكانی كەمدەكاتەوە، ئەو زانیاریانەش بەشێوەی نافەرمی و لەڕێگەی (یانگ باوفینگی) سەرۆكی زانكۆی پزیشكی هارینەوە بەدەست گەیشتووە بەوپێیەی هێشتا لێكۆڵینەوەكە تەواو نەبووەو ئەنجامەكان پێویستیان بە لێكۆڵینەوەی زیاترە، بەڵام بەگشتی كاریگەرییەكانی ئەرێنین. 

بەگوێرەی قسەی ئەو، چین رەزامەندی لەسەر پرۆتۆكۆڵێكی تاقیكردنەوەی كلینیكی دەربڕیوە كە لە گۆڤاری زانستی (Engineering) دا بڵاوكراوەتەوەو بەپێی ئەوە لە (10) نەخۆشخانەی هەرێمی هیلۆنگیانگ لێكۆڵینەوەی هەڕەمەكی لەسەر گرووپێك لە نەخۆشەكان دەكرێت و دەرمانەكەیان پێدەدرێت، بەڵام ئەوان نازانن كە دەرمانەكەیان پێدەدرێت، لێكۆڵینەوەش لەسەر ئەو كەسانە دەكرێت كە نیشانەی سووك یان مامناوەندی نەخۆشییەكەیان هەیە.

هه‌واڵی گرنگ