هه‌ولێر.. رێكارەكانی وەرگرتنی قوتابیان بۆ ساڵی خوێندنی (2020-2021) راده‌گه‌یه‌ندرێت
كوردی عربي English

هه‌واڵ وه‌رزش وتــار دیدار و چاوپێكه‌وتن فۆتۆگه‌له‌ری ڤیدیۆگه‌له‌ری ده‌رباره‌ی ئێمه‌
x

هه‌ولێر.. رێكارەكانی وەرگرتنی قوتابیان بۆ ساڵی خوێندنی (2020-2021) راده‌گه‌یه‌ندرێت

كوردیو

به‌رێوه‌به‌رایه‌تی گشتی په‌روه‌رده‌ی هه‌ولێر رێكارەكانی وەرگرتنی قوتابیان بۆ ساڵی خوێندنی (2020-2021) سەبارەت بەو قوتابخانانەی كە خواستی زۆری وەرگرتنی قوتابیانیان لەسەرە بڵاوده‌كاته‌وه‌.

له‌ نوسراوێكی فه‌رمیدا كه‌ وێنه‌یه‌كی ده‌ست (كوردیو) كه‌وتووه‌، به‌رێوه‌به‌رایه‌تی گشتی په‌روه‌رده‌ی هه‌ولێر رێكارەكانی وەرگرتنی قوتابیان بۆ ساڵی خوێندنی (2020-2021) سەبارەت بەو قوتابخانانەی كە خواستی زۆرییان لەسەرە بڵاوده‌كاته‌وه‌ كه‌ تێیدا هاتووه‌،" وه‌رگرتنی قوتابی له‌ پۆلی یه‌كه‌می بنه‌ره‌تی به‌پێی شوێنی جوگرافی قوتابخانه‌كه‌ ده‌بێت".

ئاماژه‌ به‌وه‌شدراوه‌،"ئه‌گه‌ر ژماره‌ی كورسی خوێندن زیاتر بوو له‌ ژماره‌ی قوتابیانی وه‌رگیراوی شوێنی جوگرافی قوتابخانه‌،ئه‌وا له‌سه‌ر ده‌سته‌ی كارگێری قوتابخانه‌ پێویسته‌ فۆرمێك ئاماده‌ بكات و بۆ دابه‌شكردن به‌سه‌ر ئه‌و خانه‌وادانه‌ی كه‌ داواكارن منداڵه‌كانیان له‌و قوتابخانه‌یه‌ وه‌ربگیرێن، له‌ كاتێكدا ئه‌گه‌ر داواكارییه‌كان زیاتر بوون له‌ ژماره‌ی كورسی ئه‌وا به‌ تیروپشك یه‌كلاده‌كرێته‌وه‌".

هه‌روه‌ها هاتووه‌،"منداڵانی شه‌هیدانی داعش به‌بێ مه‌رج وه‌رده‌گیرێن،ئه‌وه‌ش دوای هێنانی پشتگیری له‌لایه‌ن وه‌زاره‌تی  شه‌هیدان و ئه‌نفالكراوانه‌وه‌".

له‌باره‌ی واده‌ی دابه‌شكردنی فۆرمه‌وه‌ ئه‌وه‌ خراوه‌ته‌روو،"له‌لایه‌ن به‌رێوه‌به‌رایه‌تی په‌روه‌رده‌ی قه‌زاكانه‌وه‌ كات و ماوه‌ی دابه‌شكردنی فۆرمی وه‌رگرتنی قوتابیان دیاریده‌كرێت".

سه‌باره‌ت به‌ رێكاره‌كانی قۆناغی ئاماده‌یی له‌ نووسراوه‌كه‌دا هاتووه‌،" وه‌رگرتنی قوتابی له‌ قۆناغی 10ـی ئاماده‌یی به‌پێی شوێنی جوگرافی واته‌ ( قوتابی ئه‌و قوتابخانانه‌ی كه‌ ده‌كه‌وێته‌ سنووری ئاماده‌ییه‌كه‌) ده‌بێت".

 

 سه‌رجه‌م رێكاره‌كانی  وەرگرتنی قوتابیانی قۆناغه‌كانی (بنه‌ره‌تی - ئاماده‌یی - دواناوه‌ندی)  بۆ ساڵی خوێندنی (2020-2021) له‌ ئه‌لبومی وێنه‌كان بخوێنه‌ره‌وه‌:

هه‌واڵی گرنگ