كورديو-دهوك

ماوێ چەند روژانە ل تورێن کومەلایەتی دەنگویێ وێ چەندێ بەلاڤ دبیت کو ل پارێزگەھا دھوک دەرزیەک بو نەخوشێن کورونایێ دھێتە بکارئینان ئێکسەر دبیتە ئەگەرێ مرنێ ڤێ چەندێ کارڤەدانێن مەزن ب دویڤ خودا ئیناینە.

دداخویانیەکێ دا بو کوردیو حەمزە رەزیکی بەرپرسێ راگەھاندنا ساخلەمیا پارێزگەھا دھوکێ ئەو دەنگویە رەتکرن و گوت کو چ راستی بووێ چەندێ نینن کو ل تورێن کومەلایەتی دا ڤیدیویەک بەلاڤ بویە کو دیاردکەت ب ئەگەرێ ب کارئینانا دەرزیەکێ نەخوشێن کورونایێ گیانێخو ژ دەست ددەن  و داخواز ژ وەلاتیان دکەت کو باوەر ژ ڤان کەسان نەکەن ژبەرکو مەرەمان بتنێ ترساندنا خەلکی و تێک دانا رەوشێ یە.

بەرپرسێ راگەھاندنا ساخلەمیا پارێزگەھا دھوک گوت ژی کو رێژا مرنێ ل عیراقێ ب کۆرۆنایێ 3.2% یە لێ ل پارێزگەھا دهۆکێ نێزیکی10 هزار حالەتا هەنە و هەتا نوکە 170 کەس مرینە ئانکو ب رێژا 1.7% ئەگەر  ل دویڤ رێژا عیراقێ بیت نوکە 320 کەس مربان.