سەرۆكی ئەنجومەنی پارێزگای سلێمانی ڕایدەگەیەنێت: حكومەت ئەركی خۆی جێبەجێ ناكات و بۆتە بارگرانی بۆ هاوڵاتیان و وەرگرتنی بڕە پارەیەك لە هاوڵاتیان ڕەتدەكەینەوە.
ئەمڕۆ یەك شەممە 20-9-2020، ئازاد محەمەد ئەمین سەرۆكی ئەنجومەنی پارێزگای سلێمانی لە كۆنفرانسێكی ڕۆژنامەوانیدا ڕایگەیاند: بڕیارێك هاتووە، داوا دەكات بڕی 100 هەزار دینار لە هەر هاوڵاتیەك وەربگیرێت كە پێوەری ئاویان نەبەستووە، ئێمە وەك ئەنجومەنی پارێزگای سلێمانی ئەو بڕیارە ڕەتدەكەینەوە.
هەورەها ووتیشی: ئەنجومەنی وەزیرانی هەرێمی كوردستان نەیتوانیوە وەك پێویست ئاو بۆ هاوڵاتیان دابین بكات و موچە دابەش ناكات و لەگەڵ ئەوەشدا وەك پێویست ئەكەركانی خۆی جێبەجێ ناكات، لەو لاشەوە بریارەكانی لەبەرژەوەندی هاوڵاتیان نیەو بارگرانیە بۆسەر هاوڵاتیان.