بەغدا هاوردەكردنی زێر لە فڕۆکەخانەکانی هەولێرو سلێمانی قەدەغە دەكات
هاوردەکردنی زێڕ لەفڕۆکەخانەکانی بەسرە هەولێرو سلێمانیەوە بەبڕیاری ئەنجومەنی وەزیرانی عێراق قەدەغە کرا و بەڕێوەبەری فڕۆکەخانەی سلێمانییش بریارەکە بە بڕیارێکی سیاسی ناوی دەبات.
بەپێی هەوالی چەند میدیایەكی عێراقی ئەنجومەنی وەزیرانی عێراق بڕیاریداوە هاوردەکردنی زێر لە هەرسێ فڕۆکەخانەی بەسرەو هەولێرو سلێمانی قەدەغە بکرێت و تەنیا لە دوو فڕۆکەخانەوە زێر هاوردە بکرێت.
لای خۆیەوە تاهیرعەبدوڵا بەڕێوەبەری فڕۆکەخانەی سلێمانی لەبارەی بریارەکەی ئەنجومەنی وەزیرانی عێراقەوە لەلێدوانێكیدا وتویەتی: ئەمە بریاریکی سیاسییەو دیارە ئامانجێکی تایبەتیان هەیە کە ئەو بڕیارەیان داوە.
وتویەتیشی: پێویستە حکومەتی هەرێم گفتوگۆ لەگەڵ بەغدا بکات و کێشەکە چارەسەر بکات، قەدەغەکردنی هاتنی زێڕ لە رێگەی فڕۆکەخانەکانی هەرێمەوە زیانێکی ئابوری زۆر بە هەرێمی کوردستان دەگەیەنێت و ئاستی بازرگانی لە هەرێم بەرێژەیەکی بەرچاو کەم دەکات.
بەپێی ئەم بریارەبێت زێڕنگەرەکان و بازرگانانی هەرێمی كوردستان ناتوانن زێر لە وڵاتانەوە راستەوخۆ بۆ هەرێمی کوردستان بهێنن، بەڵکو دەبێت لە فرۆکەخانەی بەغداوە زێر هاوردە بکەن بۆ هەرێم.
