كوردیو

 

وەزارەتی تەندروستیی ئاماری نوێی تایبه‌ت به‌ ڤایرۆسی كۆرۆنا بڵاوكرده‌وه‌ و رایگەیاند، لە 24 كاتژمێری رابردوودا  444 کەس لە  هەرێمی کوردستان تووشی ڤایرۆسی کۆرۆنا بوون.

 

ئه‌مرۆ یه‌كشه‌ممه‌ 20-9-2020 وه‌زاره‌تی ته‌ندروستی حكومه‌تی هه‌رێم له‌ راگه‌یه‌ندراوێكدا كه‌ وێنه‌یه‌كی ده‌ست (كوردیو) كه‌وتووه‌ بڵاویكردووه‌ته‌وه‌ له‌ماوه‌ی 24 كاتژمێری رابردوودا چوار هه‌زار و 446 پشكنینی ڤایرۆسی كۆرۆنا ئه‌نجامدراوه‌، ده‌ره‌نجام 444 کەسی دیكه‌  تووشی کۆرۆنا بوون و 24 کەسیش گیانیان لەدەستداوە هەروەها  667 کەسیش چاکبوونەتەوە. 

 

به‌پێی دوایین ئاماره‌كانی وه‌زاره‌تی ته‌ندروستی ،تا ئێستا  41 هەزار و دوو  کەس له‌ هه‌رێمی كوردستان تووشی كۆرۆنا بوون، لەو ژمارەیەش 26 هەزار و 464 کەس چاکبوونەتەوە و هه‌زار و 519  کەسیش به‌هۆی ڤایرۆسه‌كه‌وه‌ گیانیان لەدەستداوە.