داواده‌كرێت دژی سوتاندنی دار سنەوبەرەکانی سلێمانی سکاڵای یاسایی بجووڵێندرێت
كوردی عربي English

هه‌واڵ وه‌رزش وتــار دیدار و چاوپێكه‌وتن فۆتۆگه‌له‌ری ڤیدیۆگه‌له‌ری ده‌رباره‌ی ئێمه‌
x

داواده‌كرێت دژی سوتاندنی دار سنەوبەرەکانی سلێمانی سکاڵای یاسایی بجووڵێندرێت

كوردیو
 
كۆمه‌ڵێك له‌ هاوڵاتییانی شاری سلێمانی،داوایەک بۆ داواکاری گشتی له‌ سلێمانی ئاراسته‌ ده‌كه‌ن کەسکاڵای یاسایی بجوڵێنن لەدژی ئەنجام دەرانی سوتاندنی دار سنەوبەرەکانی سەر ڕێگای سلێمانی /تاسڵوجە.
 
له‌ نووسراوێكدا كه‌ وێنه‌یه‌كی ده‌ست (كوردیو) كه‌وتووه‌، كۆمه‌ڵێك له‌ هاوڵاتییانی شاری سلێمانی داواكارییه‌ك ئاراسته‌ی داواكاری گشتی له‌ سلێمانی ده‌كه‌ن و رایده‌گه‌یه‌نن،" ماوه‌یه‌كه‌ پلانێكی به‌رنامه‌ بۆ داڕێژراو به‌ ئاراسته‌ی داگیركردنی زۆرترین روبه‌ری دارستانه‌كان له‌ سلێمانی به‌رێوه‌ده‌چێت،و سووتاندنی هه‌زاران داری گه‌وره‌ له‌ شاخی گۆیژه‌ و له‌سه‌ر رێی نێوان تاسلوجه‌ و راپه‌ڕین له‌ناو ئه‌و پلانه‌دان، ئه‌مه‌ جگه‌ له‌وه‌ی چه‌ندین ساڵه‌ تاپۆكردنی گرد و دارستانه‌كان و گۆڕینییان له‌ موڵكی گشتییه‌وه‌ بۆ موڵكی تایبه‌ت به‌ به‌رچاوی خه‌ڵك و لایه‌نه‌ په‌یوه‌ندیداره‌كانه‌وه‌ به‌رده‌وامیی هه‌یه‌".
 
ئاماژه‌ به‌وه‌شدراوه‌،" شێواندنی دارستان و برینه‌وه‌ی دار و گۆڕینی دارستانه‌كان بۆ پرۆژه‌ی بازرگانی تایبه‌ت به‌پێی یاسای ژماره‌ (10ی ساڵی 2010) قه‌ده‌غه‌كراوه‌ و له‌ مادده‌ی چواره‌م بڕگه‌كانی (یه‌كه‌م - دووه‌م - سێهه‌م) به‌ روونی ئاماژه‌ی به‌وه‌داوه‌ كه‌ رێگا نادرێت ره‌فتار به‌ دارستانه‌كانه‌وه‌ بكرێت ته‌نیا به‌ یاسا نه‌بێت".
 
له‌ نووسراوه‌كه‌دا هاتووه‌،" داواكارین له‌ به‌ڕێزتان به‌ پێی ئه‌و ده‌سه‌ڵاته‌ی پێتان دراوه‌ و له‌ چوارچێوه‌ی ئه‌ركی خۆتان بۆ داكۆكیكردن و پاراستنی به‌رژه‌وه‌ندی گشتی، سكاڵای یاسایی بجووڵێنن له‌ دژی ئه‌و سووتاندن و هه‌وڵانه‌ بۆ گۆڕینی ره‌گه‌زی دارستانه‌كان و كه‌مكردنه‌وه‌ی رووبه‌ری سه‌وزایی".  
 
 
 
 
 
 
 
 
 
 

هه‌واڵی گرنگ