ئەمڕۆ دووشەممە ژمارەیەك لە عەرەبی هاوردە بە پاڵپشتی هێزەكانی عێراق هەوڵیانكوتایە سەر گوندێكی سنوری كەركوك و دەیانەوێت زەوی جوتیارانی كورد داگیربكەن.
پەیامنێری كوردیو لە كەركوكەوە پێی ڕاگەیاندین: بەیانی ئەمڕۆ دووشەممە 21-9-2020، ژمارەیەك لە عەرەبی هاوردە بە پاڵپشتی هێزێكی عێراقی هەڵیانكوتاوەتەسەر گوندی پەڵكانە و بەزەبری هێز فشار لە جوتیارە كوردەكان دەكەن ئەو زەویانە بەجێ بهێڵن.
پەیامنێرمان ووتیشی: هاوڵاتیانی كوردی دانیشتوی گوندی پەڵكانە دەستیان بەگردبونەوە كردوەو ڕێگە لەو داگیركارییە دەگرن و بەو هۆیەشەوە گرژی و ئاڵۆزی دروست بووە.