بەڕێوبەرایەتی پۆلیسی هەولێر رایدەگەیەنێت سواڵکەرێکیان دەستگیرکردووە، تەنیا لە سی رۆژدا (13) ملیۆن دیناری کۆکردۆتەوە.

لەمبارەیەوە بەڕێوبەرایەتی پۆلیسی هەولێر ئامارەكانی شەش مانگی رابردووی دەستگیركردن و رێژەی ئەنجامدانی تاوانەكانی لە سنوری پارێزگاکە بڵاوکردەوەو تیایدا هاتووە: بەجۆرێک لە کۆی پێنج هەزار و 995 تاوانی جۆراو جۆر تۆمارکراوە لە سنوری پاریزگاکە توانراوە پێنج هەزار و 568 تاوانیان ئاشكرا بکرێن و تۆمەتباران بدرێنە دادگا.

ئاماژە بەوە كراوە: لەماوەی ئەو شەش مانگەدا، (751) سواڵكەر دەستگیركراون، کە بەوتەی پۆلیس ژمارەیەکی زۆر لەو سواڵکەرانە بۆراکێشانی هەست و سۆزی خەڵک وەک نەخۆش یان خاوەنپێداویستی تایبەت خۆیان دەرخستووە.

ئاشكراشكراوە كە (655) تۆمەتبار بە تاوانەكانی كوشتن و دزی و ساختەكاری و سپیكردنەوەی پارە و ماددەی هۆشبەر دەستگیر دەستگیركراون.