سەرۆكی فەڕەنسا ڕایدەگەیەنێت: فشارەكانی ئەمەریكا بۆ سەر ئێران شكستیان هێناوەو پشتگیری لە هەوڵەكانی نەتەوە یەكگرتووەكان بۆ سەپاندنەوەی سزاكانی بەسەر ئێراندا ڕەتدەكەینەوە.
ئیمانوێل ماكرۆن سەرۆكی فەڕەنسا لە وتارێكدا بۆ ئەنجومەنی گشتی نەتەوە یەكگرتووەكان ڕایگەیاند:ناتوانرێت لەم قۆناغەدا ڕەفتارە خراپەكانی ئێران لە ناوچەكەدا ڕابگیرێت یاخود گرەنتی ئەوە بدرێت ئێران نەبێتە خاوەنی چەكی ناوەكی و ستراتیژییەتی سەپاندنی توندترین فشار ماوەی چەند ساڵێكە دژی ئەو وڵاتە بەردەوامە.
ئاماژەی بەوەشكرد: فشارە زۆرەكانی ئەمەریكا بۆ سەر ئێران تاوەكو ئێستا شكستیان هێناوەو بەهۆی كشانەوەی ئەمەریكاوە لە ڕێكەوتنە ناوەكییەكەی ساڵی 2015 دا هەوڵەكانی ئەمەریكا بۆ دووبارە سەپاندنەوەی سزاكانی نەتەوە یەكگرتووەكان بەسەر ئێراندا ڕەتدەكەینەوە.