گردبوونه‌وه‌ی خاوه‌ن زه‌ویه‌كانی هه‌شتی حه‌سارۆك له هه‌ولێر ده‌ستیپێكرد
هه‌ر ئێستا گردبوونه‌وه‌ی خاوه‌ن زه‌وییه‌كانی هه‌شتی حه‌سارۆك له‌سه‌ر زه‌وییه‌كانی خۆیان ده‌ستیپێكرد.
سینان ته‌حسین كه یه‌كێكه له‌و هاوڵاتیانه‌ی خاوه‌نی زه‌وییه له هه‌شتی حه‌سارۆك به كوردیوی ڕاگه‌یاند: به‌هۆی ئه‌وه‌ی ماوەی ١٧ ساڵە ئێمه وه‌ك خاوه‌ن زه‌ویه‌كانی هه‌شتی حه‌سارۆك چاوەڕوانین خزمەتگوزاری بۆ بهێنرێت و بیكەین بەخانوو، كه كۆی گشتی ١٦ هەزار پارچە زەوییه، به‌ڵام له‌لایه‌ن حكومه‌ت و وه‌زاره‌تی شاره‌وانی و پارێزگای هه‌ولێره‌وه پشتگوێ خراوین بۆیه هه‌ستاین به ئه‌نجامدانی ئه‌م گردبونه‌وه جه‌ماوه‌ریه.
ئه‌م هاوڵاتیه گوتیشی: ئێمه داوامانكردوه په‌رله‌مانتارن و ئه‌ندامانی ئه‌نجومه‌نی پارێزگا بێن به‌ده‌م داواكه‌مانه‌وه، چونكه ساڵانێكه له هه‌موو ڕووێكه‌وه فه‌رامۆشكراوین، له‌كاتێكدا داواكه‌مان ڕوون و ڕه‌وایه.
له‌ئێستادا ڕێگه‌پێدانی دروستكردنی خانوو له سنوری زه‌وییه‌كانی هه‌شتی حه‌سارۆك قه‌ده‌غه كراوه، به‌هۆی ئه‌وه‌ی حكومه‌ت ناتوانێ خزمه‌تگوزاری بۆ ببات.
