كورديو-دهوك
سەروکایەتیا باژێرڤانیا دھوک د راگەھاندنەکێ دا کو دانەیەک بو مالپەرێ کوردیو ھاتیە ھنارتن ئەو چەندە رەت کریە کو پروژەیێ ئەندەرپاسێن جادەیا بارزان بھێنە راوەستاندن.
دەقێ راگەھاندنا باژێرڤانیا دھوک
پشتى ئهڤرۆ وهسا هاتيه بهلاڤكرن ژ لايێ كهنالهكێ راگههاندنێ ڤه كو گهفێن راوهستاندنێ ل سهر پرۆژێ ئهندهرپاسێن جادا بارزان يێن ههين، ئهم خهلكێ خوه يێ خوهشتڤى يێ پارێزگهها دهۆك پشت راست دكهين كو ب چ رهنگهكێ ئهڤ ئاخافتنه ژ لايێ چ كهسهكێ ژ كۆمپانيا كاڤين گرۆپ ڤه نههاتينه دان.
ئهو پێنج پرۆژێن ستراتيژى ئهوێن مه ل سالا 2019 دهستپێكرى، كێمتر ژ وى دهمێ بۆ مه هاتيه دياركرن ب دووماهى هاتينه ئهوژى ( ڤهكرنا ئهندهرپاسا فهرماندا دهۆك، ڤهكرنا جادا خزمهنگوزاريا بارزان ژ لايێ باشوور ب درێژاهيا 3500 م و ڤهكرنا جادا كهمهرى ل كهرتێ نزاركێ) و پرۆژێ نوكه كار تێدا دهێته كرن پرۆژێ ئهندهرپاسا مزگهفتا شههيدانه كو ههماههنگيهكا باش مه ل گهل جهنابێ پارێزگارێ دهۆك و سهرۆكاتيا باژێرڤانيا دهۆك و رێڤهبهريا هاتن و چوونا پارێزگهها دهۆك ههيه و 24 دهمژمێران كار د ڤى پرۆژهى دهێته كرن و سهرهراى گيربوونا شايستێن دارايى يێن كۆمپانيێ، بهلێ كار د پرۆژهى دا يێ بهردهوامه، بهرى دو رۆژان مه تونێلهكا ئهندهرپاسێ ڤهكر و ب ئانههيا خودێ ل نێزيك پرۆژه دێ ب دووماهى هێت كو رێژا ئهنجامدانا پرۆژهى گههشتيه 76% ێ، ب تنێ دێ پرۆژێ ئوڤهرپاسا قوتابخانا سهفين مينيت كو ل نێزيك دێ دهست ب وى پرۆژهى هێته كرن و ههر پێنج پرۆژه بهرى ب دووماهى هاتنا ژڤانێن ب كۆمپانيێ هاتيه دان، دێ كهڤنه د خزمهتا وهلاتيێن مه يێن خوهشتڤى دا.