غروری دەسەڵات بەپێوەری عەقل بێ‌ ئاگا لەسوننەی ئیلاهی
كوردی عربي English

هه‌واڵ وه‌رزش وتــار دیدار و چاوپێكه‌وتن فۆتۆگه‌له‌ری ڤیدیۆگه‌له‌ری ده‌رباره‌ی ئێمه‌
x

غروری دەسەڵات بەپێوەری عەقل بێ‌ ئاگا لەسوننەی ئیلاهی

بەپێوەری عەقل بێ‌ دەسەڵات لەهەرێمی كوردستان ئێستا گەیشتۆتە لوتكە و هیچ پێویستی بەجەماوەرو خەڵك نەماوە، لەڕوی هێزو حیزبایەتی و سەربازیەوە گەیشتۆتە ئەوپەڕی تواناوە لەكەس ناترسێ‌، وڵاتانی زڵهێزیشی لەپشتەو پەیوەندی هەمەلایەنی دروست كردوە، لەبەرامبەریشدا واتەماشا دەكات جەماوەر بێ‌ هەڵوێست و پەرتەوازەیە، ئۆپۆزسیۆنیش لاوازە، كەواتە دەسەڵاتەكەی درێژە دەكێشی و حیساب بۆ كەس ناكات ، مۆچەش نادات و چالاكوان و ڕۆژنامە نوسیش دەگرێ‌ هەر كەس قسە بكات تاوانباری دەكات و بە تێكدەری ئاسایشی كۆمەلایەتی تۆمەتبارە، گوێ‌ لەكەسیش ناكرێ‌ و ئامۆژگاری قەبوڵ ناكات، تەنها لەوانە نەبێت كەپێیان هەڵدەدەن و خراپەكانیشیان بەچاكە بۆ تەئویل دەكەن، ناهێڵن حەقیقەتیش بزانن، كەواتە دەسەڵات توشی غروری بوەو هەموو هەنگاوەكان بەپێوەری عەقڵ لێك دەداتەوە، ئاوڕێك لەسوننەی ئیلاهی و یاسای گەردون و مێژوی دەسەڵاتەكان و واقیع نادەنەوە، نازانن تەواوی دەسەڵاتەكان لەپێشی ئەوان لەلوتكەی هێزی سەربازی و ئەمنی و دارایی ڕوخاون، بەپێوەری عەقڵ بوایە ئێستاش دەبوا لەدەسەڵات بانایە، بەڵام كەی گەیشتونەتە لوتكەو هیچ ئومیدێك نەماوە ، موچەخۆران بێ‌ ئومید بون و خەڵك نەی توانیوە خۆپیشاندان بكات و چالاكوانەكان لەبەندینخانە كراون، ئینجا دەسەڵاتیان كۆتای پێ هاتوە، بەپێوەری عەقڵی بوایە هیچ كەس بەخەیاڵی دانەدەهات، وەك ئێستا زۆر چار دەبینم خەڵك دەڵێن بەخودا تازە ئەم دەسەڵاتە خۆی داكوتاوەو ئێمە دەبێ‌ هەر لەم ژێر دەستی و زولم و بێ‌ مۆچەییە بمینێنەوە بەڵام سوننەی ئیلاهی یاساكەی جێ‌ بەجێ‌ كردوە، بەڵگەش بۆ ئەم قسانە:

1- فیرعەن كاتێك گەیشتە لوتكەی دەسەڵات و هێز ، داوای خوایەتی كرد ، بەرامبەرەكانیشی هیچ مەخرەجیان نەما تەنها خنكان و كەتنە ڕوبار نەبێ‌، سوننەی ئیلاهی هات و كۆتای بەدەسەڵاتی هات.

2- قاڕون لەروی دەسەڵات و پارەو داراییەوە وینەی نەبو، بەپێوەری عەقڵ دەبو هەر ئەو لەدەسەڵات بێ‌ ، سوننەی ئیلاهی هات و غەرقی ژیر زەوی بوو.

3- نەمرود دەی گوت من توانام هەیە مردو زیندو بكەمەوەو زیندوش بمرێنم، سوننەی ئیلاهی كۆتای بەدەسەڵاتی هێنا لەلوتكەی هێز.

نمونەكان لەقورئان زۆرن بابێنە سەر دەسەڵاتە زالمَەكانی ئەم سەردەمە:

1- هێتلەر حوكمی ئەلمَانیای لە1933-تا 1945 كرد، یەكێكە لەو كەسانەی زۆرترین ئاساواری لەمێژوی مرۆڤایەتی جێ‌ هێشتوە، تەنها سەربازەكانی ژمارەیان سێ‌ ملیۆن بو، كاتێك سوننەی ئیلاهی هات ئەو لەلوتكە بو تێك و پیك شكاو تەنانەت نەزانرا لاشەكەشی كەوتە كێ‌.

2- ستالین سەرۆكی یەكیەتی سوفیەتی كرد لەساڵی 1941- تا 1953 ، مێژو نوسان دەڵێن قوربانیەكانی دەستی ستالین لە3 بۆ 9 ملیون كەس دادەنریت، ژمارەی سەربازەكانی 4 ملیون زیاتر بوو، لەلوتكە بو كاتیك یاسای ئیلاهی هات روخا.

3- حوسنی موبارەك لەمیصر لەلوتكەی دەسەڵات بو، خەلكەكە لەوپەڕی بێ‌ هێزی كەچی روخا.

4- زین العابدین هەر لەلوتكەی هێزو سەربازو ئەمنی بو، سوننەی ئیلاهی هات و عارەبان چیەكی كردە هۆكار و ڕوخا.

5- قەزافی 40 ساڵ حوكمی كرد ماڵەكەی بە30 ملیار دەخەملێنرا ،دەسەلات و ئەمنیەتی كۆنكریتی بو، لەئیوە زۆر زیاتر بو، پەند وەرگرن، لەكونێكەوە گرتیان و دەسەڵاتەكەی ڕوخا.

6- علی عبدالله صالح زۆر لەئێوە بەهێز تر بو ، دۆستەكانی خۆی كۆتاییان بەدەسەڵاتەكەی هێنا.

7- ئەگەر هیچت لەوانە نەبیستوە ئاوڕێك لەحوكمی حیزبی بەعس و صدام حسین بدەوە، بزانە لەلوتكەی دەسەڵات بوو، چی لێ‌ هات، هەمو جار منداڵ بوم دایكم دەی گوت كوڕم تۆ لەئامادەیی لەپۆل قسەی نەكەی چونكە صدام لەكونی ژورەكانیش خەڵكی داناوە ئاگای لەهەمو هەنگاوێكە، واتە لەئێوە زۆر بەهێز تر بوو، بینیتان چی بەسەر هات، چۆن بەساڵ لەوڵاتەكەی خۆی لەكونێكەوە دەژیا، خۆ لەلوتكەی هێز بوو كەچی سونەنی ئیلاهی هات و كۆتای بەهیزو دەسەڵات و سەربازو ئەمنیەت و پارەو پول هێنا .

پێچەوانەی هەمو ئەو پێوەرە عەقلیانە قورئان بەپێوەری سوننەی ئیلاهی دەسەڵات دەداتە لاواز و بێ‌ دەرامەت و ماڵ و سەروەتەكان و دەفەرمویت: (.وَنُرِيدُ أَن نَّمُنَّ عَلَى الَّذِينَ اسْتُضْعِفُوا فِي الْأَرْضِ وَنَجْعَلَهُمْ أَئِمَّةً وَنَجْعَلَهُمُ الْوَارِثِينَ ).

ئامۆژگاری بۆ دەسەڵات

بەكورتی خەڵك زۆر لەنەهامەتی دەژی، ئەگەر جەماوەرو ئۆپۆزسیون نەتوانن چی بكەن، ئەم بێ‌ دەنگیە بەهەڵ وەرمەگرن، دڵنیا بە خودا لەكاتێكدا بەدەسەڵاتی خۆی تەداخول دەكات، و كۆتایتان پێ‌ دێ‌، ئینجا رەحم بەخوتان و بەئێمەش بكەن دادوەر بن .

ڕو لەخودا و خەڵكی خۆتان بكەن، پەند لەم هەموو سوننە ئیلاهی و واقیع و مێژوە وەرگرن، حەقی خەڵك بدەنەوەو چیتر پێوەژن و یەتیم و خانەنشین و كرێچی و مۆچەخۆران برسی مەكەن، ﱠ.وَأَنَا لَكُمْ نَاصِحٌ أَمِينٌ.

هه‌واڵی گرنگ