كوردێك له‌ تاران ده‌كوژرێت
كوردی عربي English

هه‌واڵ وه‌رزش وتــار دیدار و چاوپێكه‌وتن فۆتۆگه‌له‌ری ڤیدیۆگه‌له‌ری ده‌رباره‌ی ئێمه‌
x

كوردێك له‌ تاران ده‌كوژرێت

كوردیو

رێكخراوی هه‌نگاو رایده‌گه‌یه‌نێت: لاوێکی خەڵکی سنە کە لە مێوانییەکی شەوانە دەستبەسەر کرابوو، بە تەقەی ڕاستەوخۆی هێزە ئینتزامییەکانی ئێران کوژرا.

ڕێکخراوی مافی مرۆڤی هەنگاو رایگه‌یاند،" بەپێی ڕاپۆرتی گەیشتوو ، شەوی پێنجشەممە 8-10-2020 ، هێزە ئینتزامییەکانی شاری شاریار سەر بە پارێزگای تاران لاوێکی تەمەن 30 ساڵی خەڵکی سنەیان بە ناوی ”کەژوان ئەڵماسی“ لە مێوانییەکی شەوانە دەستبەسەر کردووە و دوای دەستبەسەر کران لە پشتەوە تەقەیان لێکردووە و کوشتوویانە".

ئاماژه‌ی به‌وه‌شداوه‌،" یەکێک لە نزیکانی بنەماڵەی ئەڵماسی رایگه‌یاندووه‌، هێزە ئینتزامییەکان لە پشتەوە تەقەیان لە کەژوان کردووە و بنەماڵەکەی لە دادسەرای سەربازی شاریار سکاڵایان لەسەر ئەو سەربازەی کە تەقەی کردووە تۆمار کردووە".

ئەو سەرچاوەیە وتویه‌تیشی،" لاوێکی دیکەش لەگەڵ کەژوان بووە ئەویش بریندار کراوە".

 

هه‌واڵی گرنگ