ماوەی مانەوەی كۆڕۆنا لەسەر كەل و پەلەكان چەندە ؟؟
كوردی عربي English

هه‌واڵ وه‌رزش وتــار دیدار و چاوپێكه‌وتن فۆتۆگه‌له‌ری ڤیدیۆگه‌له‌ری ده‌رباره‌ی ئێمه‌
x

ماوەی مانەوەی كۆڕۆنا لەسەر كەل و پەلەكان چەندە ؟؟

 

 

لە نوێترین لێكۆڵینەوەدا، پزیشكان ئاماژە بەوە دەكەن كە ئەو ڤایرۆسەی بەرپرسیارە لە توشبون بە نەخۆشی كۆرۆنا لە توانایدا هەیە بۆ ماوەی (28) ڕۆژ بە چاڵاكی بمێنێتەوە لەسەر ڕووكاری دەرەوەی هەندێك لە ماددەكانی وەكو كانزاكان و شاشەی مۆبایل و پارەی كاغەز.

توێژینەوەكانی ئاژانسی زانستی نەتەوەیی ئوسترالیا ئەوەیان خستەڕوو، كە ڤایرۆسی (كۆڤید – 19) توانای مانەوەی لەسەر ڕووەكان، زۆر لەوە زیاترە كە لە لێكۆڵینەوەكانی پێشتردا ئاماژەی پێكراوە.

هەر بۆیەش شارەزایان بروایان وایە كە توشبوون و گواستنەوەی ڤایرۆسەكە لە ڕێگەی ڕووەكانەوە هەرەشەیەكی گەورەیە بۆ سەر ژیانی مرۆڤایەتی.

لەناو خەڵكیدا وا باوە كە ڤایرۆسەكە تەنیا لەڕێگەی پژمە یان كۆكە یان قسەكردنی كەسی تووش بوو دەگوازرێتەوە.

هەروەها پێشتر توێژینەوە تاقیگەییەكان وایان بڵاوكردەوە، كە ڤایرۆسەكە تەنها بۆماوەی دوو بۆ سێ ڕۆژ توانای ماوەی هەیە لەسەر پارەی كاغەزو شوشە، وە زیاتر لە شەش ڕۆژیش لەسەر ماددە پلاستیكییەكان و كانزاكان هەرچەندە ئەنجامەكان هەمە چەشنەن،

بەڵام لە دوایین توێژینەوەكانی ئاژانسی ئوسترالی (CSIRO) دا سەلـماندیان كە ڤایرۆسەكە تا راددەیەكی زۆر سەرسەختەو لە توانایدا هەیە بۆ ماوەی (28) ڕۆژ بمێنێتەوە لەسە ڕووە سافەكانی وەكو شوشەو شاشەی مۆبایل و پارەو پلاستیك كاتێك لە پلەی گەرمی ژووردا بێت كە (20) ە.

بەبەراورد بە ڤایرۆسی هەڵامەت كە توانای مانەوەی لە هەمان باردودۆخ دا تەنها (17) ڕۆژە.

هەروەها چەند لێكۆڵینەوەیەك ئەنجامدراوە لە تاریكیدا كە دەركەوتووە تیشكی سەروو وەنەوشەیی توانای لەناوبردنی ڤایرۆسەكەی هەیە.

دكتۆر لاری ماشاڵ بەرێوەبەری (CSIRO) وتی: بە پشت بەستن بە زانینی ماوەی مانەوەی ڤایرۆسەكە لەسەر ڕووەكان دەتوانین بە وریاییەكی زیاترو بە شێوەیەكی ورد كۆنترۆڵی بڵاوبوونەوەی ڤایرۆسەكە بكەین و زیاتر خۆمانی لێ بپارێزین.

رۆژنامەی هەولێر بابەتێكی بڵاوكردۆتەوەو تێیدا هاتووە، هاوكات توێژینەوەكە بووە جێگەی ڕەخنەی هەندێك لە زانایان، چونكە پێیان وایە زانیارییەكی لەو شێوەیە جیهان دەخاتە ترسێكی گەورەی ناپێویستەوە.

هه‌واڵی گرنگ