کی رێگرە ل چاکسازیێ ؟!
كوردی عربي English

هه‌واڵ وه‌رزش وتــار دیدار و چاوپێكه‌وتن فۆتۆگه‌له‌ری ڤیدیۆگه‌له‌ری ده‌رباره‌ی ئێمه‌
x

کی رێگرە ل چاکسازیێ ؟!

ردوان گولی/سوید

چاکسازی پروسێسەکا تەڤگرە وفەرەلایەنە،پێویستی ب سەرکردەکێ خودان ئیرادە وچاڤ نەترسە هەیە،خودان پروژەکێ زەلال وئاشکرایە،ل هەرێما کوردستانێ پشتی سەرهلدانا بوهارا سالا 1991ز وخوەڤەکێشانا حکومەتا عێراقێ ژ کوردستانێ وئەنجامدانا هەلبژارتنا پارتی وئێکەتی پرانیا دەنگان دبەن،وحکومەتا هەرێمێ ئەو پێک دئینن وهندەک لایەنێن دی هندەک جاران بەشدار دکەن،بەلێ پشکا شێری هەر یا پارتی وئێکەتیە چونکە کوردستان یا کری دوو زون هەر ئێک حکومرانیێ ل ئێکێ دکەت،خەلکێ کوردستانێ فێرکرن دزی وگەندەلی وبێ رەوشتیێ،هەتا رێکخستی وجەماوەرێ خوە ژ دەست نە دەن،خەلک دامەزراند وپلە وپوست لسەر خەلکی دابەشکرن بێ سیستەم ویاسایەک تایبەت وزانستی،تا وەی رادەی قوباد تالەبانی چێگرێ سەروکێ وەزیران دپەرلەمانی دا بێژت ژمارا عەمید ولیوا یێن مە ژ یێن ئەمریکا پترن؟! ئەرێ کێ ئەڤ چەندە کریە؟ هەر پارتی وئێکەتی ئەڤ خەلکە بڤی شێوەی دامزراندینە ئەفچا هوکار وئەگەر زێدەکرنا دەنگێن هەلبژارتنا بن یان کرینا وژدانا خەلکێ دەرون نزم بن،خەلکێ روژئاڤا وروژهەلات وباکورێ کوردستانێ وهەتا هندەک کوردێن ئەرمەنستانێ یێن بووین مووچەخارێن باشورێ کوردستانێ! زێدەباری پارتی وئێکەتی هندەک پارت ولایەنێن سیاسی دروستکرینە لناڤ پارچێن دی یێن کوردستانێ ژبو مایتێکرن وفروتنا دوریشێن نەتەوەی ووو، نوکە حزبێن دەستهەلاتدار کوردستان یا کری مینا سەرکیفکەکێ مەزن بەس مشک وجورد تێدا مەزن دبن وکون مشک لێ زورن دبن،مروڤێ دزیکەر نەشێت چاکسازیێ بکەت وشەرێ گەندەلچیان بکەت،مروڤێ حیز ودەهمەن پیس نەشێت شەرێ بێ رەوشتیێ بکەت،گورگ بێژت دێ بم شڤانێ پەزی! رویڤی بیژت دێ چم بەر مریشک وعەلوک وقازان!چاکسازی دڤێت ژسەری دەستپێکەت وهندەک بەرپرسێن حەفک ستویر ببن عیبرەت هەتا کەس ئێدی چاڤ ل وان نەکەت،ئەگەر سەرە کانی یا شێلی بت دێ جوک ژی شێلی بن،ئەگەر سەرکردەکێ دەست پاقژ ونیازپاک وخودان ئیرادەکا راستەقینە هەبت هیچ تشتەک مەحال نینە ل دونیایێ،بەلێ براستی وەکی ئەز دبینم پارتی وئێکەتی مەزنترین رێگرن ل هەمبەر چاکسازیان وهەر وان ئەڤ خوەلیە یا بسەرێ خەلکی وەرکری، دزێ دولاری نەشێت لێپرسینێ بکەت لگەل دزێ دیناری..

 

هه‌واڵی گرنگ