پەروەردەی رۆژهەڵات و رۆژئاوای سلێمانی داوایەك ئاراستەی بەرێوەبەری قوتابخانەو مامۆستاكان دەكات
كوردی عربي English

هه‌واڵ وه‌رزش وتــار دیدار و چاوپێكه‌وتن فۆتۆگه‌له‌ری ڤیدیۆگه‌له‌ری ده‌رباره‌ی ئێمه‌
x

پەروەردەی رۆژهەڵات و رۆژئاوای سلێمانی داوایەك ئاراستەی بەرێوەبەری قوتابخانەو مامۆستاكان دەكات

پەروەردەی رۆژهەڵات و رۆژئاوای سلێمانی داوا لە بەڕێوەبەرەکانی سەرجەم ناوەندەکانی خوێندن دەکەن دەست بە خوێندن بکەنەوە و دەشڵین، کاتی ئەوە هاتووە بچینەوە ناوەندەکانی خوێندن،چارەنووسی خوێندن بەم شێوەیە لەبەرژەوەندی قوتابی وخوێندکار نابێت.

بەڕێوەبەرانی هەردوو پەروەردەی رۆژهەڵات و رۆژئاوای سلێمانی لە رونکردنەوەیەکدا ئاماژە بەوەدەكەن كە ماوەی چەند ڕۆژێکە دەوامی فەرمی خوێندنگەکان بەگوێرەی قۆناغەکان دەستیپێکردووە ،بەڵام لەسنووری هەردوو پەروەردەی ڕۆژهەڵات و ڕۆژئاوای سلێمانی بەهۆی دواکەوتنی مووچە و خراپی گوزەرانی مامۆستایان و فەرمانبەران دەوام بەپێی پێویست نەکراوەتەوە.

ئەوەش خراوەتەروو: کاتی ئەوە هاتووە بچینەوە ناوەندەکانی خوێندن و دەوام دەستپێبکەینەوە و بەگوێرەی فەرمانە وەزریەکان کە پۆلەکانی 1و2 ی بنەڕەتی وپۆلی 12ی ئامادەیی بە هەموو بەشەکانیەوە لەناو خوێندنگە دەوام دەکەن و پۆلەکانی تریش بەشێوازی خوێندنی ئەلکترۆنی دەبێت.

راشیانگەیاندووە: چارەنووسی خوێندن بەم شێوەیە لە بەرژەوەندی قوتابی و خوێندکار نابێت، دەزانین هەریەکەمان چەند لە دواکەوتنی مووچەو بێدادی نیگەرانین و لەگەڵ گشت مافە ڕەواکانی مامۆستایانین هێندەیش نیگەرانی پرۆسەکەین بۆیە بەم ڕوونکردنەوەیە داواکارین لەسەرجەم بەڕێوەبەرو مامۆستایانی بەڕێز بچنەوە ناوەندەکانی خوێندن و دەوام دەست پێبکەنەوە ، ڕۆژەکانی دەوامی ساڵی خوێندن و وادەی تاقیکردنەوەکان و تەواوکردنی پرۆگرامەکانی خوێندن دیاریکراون وچیتر با(کات) بە هەدەر نەڕوات.

 

هه‌واڵی گرنگ