ئەندامێكی هاوپەیمانی نیشتیمانی سێ ڕۆژە بێسەرو شوێنە
كوردی عربي English

هه‌واڵ وه‌رزش وتــار دیدار و چاوپێكه‌وتن فۆتۆگه‌له‌ری ڤیدیۆگه‌له‌ری ده‌رباره‌ی ئێمه‌
x

ئەندامێكی هاوپەیمانی نیشتیمانی سێ ڕۆژە بێسەرو شوێنە

ئەنجوومەنی سیاسی هاوپەیمانیی نیشتمانی ڕایدەگەیەنێت: مامۆستا محمد عەوڵا ڕەسوڵ ناسراو بە مامۆستا محمد گرتكی، ئەندامی ئەنجومەنی جێبەجێكردن و بەرپرسی دەڤەری ڕاپەڕینی هاوپەیمانی نیشتمانی، لە ڕۆژی ١٥/١٠/٢٠٢٠ كاتژمێر ٩ ی سەرلەبەیانی بە ئۆتۆمبیلی تایبەتی خۆی لەماڵ دەرچووە و پاشنیوەڕۆی هەمان ڕۆژ پەیوەندی تەلەفۆنی بڕاوە و هیچ زانیارییەك لەبارەیەوە نەماوە.

 

دەقی راگەیەنراوەكەی ئەنجوومەنی سیاسی هاوپەیمانیی نیشتمانی:

ڕوونكردنەوەیەك بۆ ڕای گشتی و لایەنە پەیوەندیدارەكان لە هەرێمی كوردستان.

بۆزانیاری و ئاگاداربوونی هەموولایەك، هاودید مامۆستا محمد عەوڵا ڕەسوڵ ناسراو بە مامۆستا محمد گرتكی، ئەندامی ئەنجومەنی جێبەجێكردن و بەرپرسی دەڤەری ڕاپەڕینی هاوپەیمانی نیشتمانی، لە ڕۆژی ١٥/١٠/٢٠٢٠ كاتژمێر ٩ ی سەرلەبەیانی بە ئۆتۆمبیلی تایبەتی خۆی لەماڵ دەرچووە و پاشنیوەڕۆی هەمان ڕۆژ پەیوەندی تەلەفۆنی بڕاوە و هیچ زانیارییەك لەبارەیەوە نەماوە، پاش هەواڵپرسین و بەدواداچوون و ئاگاداركردنەوەی دەزگا پەیوەندیدارەكان و بەهاوكاری ئەوان دەركەوت كە ناوبراو دواجار لە پاشنیوەڕۆی ئەوڕۆژە بە ئۆتۆمبیلی تایبەتی خۆی لە كۆتا بازگەی ئاسایشی زوركان لە ناوچەی سەنگەسەر بەرەو قەندیل پەڕیوەتەوە و لەوكاتەوە تاكاتی ئامادەكردنی ئەم ڕوونكردنەوەیە هیچ زانیارییەك سەبارەت بە چارەنووسی ئەو بەرپرسەی هاوپەیمانی بەردەست نییە، لە كاتیكدا ھاوپەیمانیی نیشتمانی پەیوەندی دۆستانەی لەگەڵ تێكرای لایەنە سیاسیەكاندا ھەیە و بەردەوام لە ھەماھەنگیدا بووە بۆ پاراستنی سەقامگیری ھەرێمی كوردستان، هاوكات مامۆستا محمد گرتك، كەسایەتییەكی سەنگین و ناسراوی ناوچەكەیە و ھەمیشە ڕۆڵی گرنگی هەبووە لە ئاشتەوایی كۆمەلایەتی و پەیوەندیی باشی سیاسی لە ناوچەكەدا و ھەمیشە بە تەنگ ئاشتی و ئاشتەوایی خەڵكی ناوچەكەوە بووە، هیوادارین بەزووترین كات هەواڵی سەلامەتی ئەو بەرپرسەمان بەدەست بگات و بگەڕێتەوە سەركار و ناو خێزان و كەس وكارو دۆستان و هاودیدانی ، لەگەڵ سوپاس و پێزانینمان بۆ هەموو ئەو دەزگا و لایەنانەی هاوكارمان بوون لەم بارەیەوە.

ئەنجومەنی سیاسی
هاوپەیمانی نیشتمان

هه‌واڵی گرنگ