کوردیو-دهوك
پشتی کو ل روژێن بوری دەنگویێ وێ چەندێ بەلاڤبوی کو کەسەک رابویە ب فێلبازی کرنێ دگەل ژمارەکا وەلاتیێن پارێزگەھا دھوک ژلایێپولیسان ڤە ھاتە دەستەسەرکرن.
ئەفسەرێ پولیسێ بنگە خەبات رزگار شاکر راگەھاند پشتی چەند وەلاتیان سەرەدانا وان کری و سکالا تومارکرین کو کەسەک رابویە بفێلبازی کرنێ ل وان ئێکسەر پەرێن ڤەکولینێ ھاتنە ڤەکرن و دادوەرێ ڤەکولینێ فەرمانا دەستەسەرکرنا وی دەکر ل دویڤ مادەیێ ٤٥٦ و٤٥٣ لێگەریانا وی دەست پێکر و ھاتە دەستەسەرکرن ژلایێ پولیسان ڤە.
ئەفسەرێ پولیسێن بنگەھێ خەبات دیارکر ژی کو ژیێ تومەتباری ٤٠ سالن و ژمارەکا زور یا تەشقەلە و فێلبازیان ل وەلاتیان کرینە و ئەوکەیسێن لسەر ھاتینە تومارکرن ٨ کەیسن و ٦ کەیس ژ وان ھاتینە رەوانەکرن بو دادگەھێ و ٢ کەیس ژی ل ژێر ڤەکولینێ نە و تومەتبار یێدەستەسەرکریە بو وێ چەندێ ب گەھیتە سزایێ خو یێ عادیلانە.