کوردیو
تیمەكا دەزگەهێ هەواڵگێرییا نیشتیمانییا توركی (میت) مەزنە بەرپرسەكێ پارتییا كاركەرێن كوردستانێ بناڤێ ئەحمەد باڵ ل هەرێماكوردستانێ كرە ئارمانج.
ژێدەرەکێ ئەمنی ل دەڤەرا ئامێدیێ راگەھاند کو ئەحمەد باڵ ناسناڤێ وی (دارا كاتۆ) بوو، و ناڤێ وی دلیستا سورا داخوازكریێن توركیادابوو، لبەر بوو ل چیایێ مەتینی بنهێنی دگەل هژمارەكا ئەندامێن پارتییا كارکەران كۆم ببیت، پشتی دەزگەهێ هەواڵگێرییا توركی (میت) جهێ كۆمبوونێ ئاشكرا كری، ئۆپڕاسیۆنەك ئەنجامدا و ئەحمەد باڵ و چوار گەریلایێن پارتییا كاركەران کرنە ئارمانج و ھاتینە کوشتن.
دەزگەهێ هەواڵگێرییا توركیا د بەلاڤ نامەیەکێدا راگەھاندیە ئەحمەد باڵ دناڤبەرا ساڵێن 2018 – 2019 ژ سوریێ تەقەمەنی و گەریلاڤەگوهاستینە توركیا، و ل دەستپێكا ئەڤ ساڵە ببوو بەرپرسێ هەواڵگێرییا پارتییا كاركەران ل چیایێ مەتینی، و ڕۆلەكێ ئەكتیڤ هەبوو دكۆمكرنا زانیاریاندا لسەر لەشكەرێ توركیا بتایبەتی ل دەمێ دەستپێكرنا ئۆپڕاسیۆنا (پەنجێن ئەلهوی).
ل گورەی زانیاریان ئەحمەد باڵ (دارا كاتۆ) ل ساڵا 2009 پەیوەندی ب ڕێزێن پارتییا كاركەران كربوو، هەتا ساڵا 2015 چەندین كریارێنسەربازی ل دژی لەشكەرێ توركیا ئەنجامدابنە، ل ساڵا 2018 دەربازی سوریێ ببوو و بوو ئەندامێ یەكینەیێن پاراستنا گەل.