کوردیو
فەرمانداریا ئۆپەراسیۆنێن هەڤپشک یێن ئیراقێ راگەهاند ژبلی ئالایێ ئیراقێ چ ئالایێن دی ل شنگالێ ناهێنە بلندکرن.
بەرى چەند رۆژان هەرێم و بەغدا ل سەر ئاسایکرنا رەوشا شنگالێ گەهشتبوون رێککەفتنێ د هەمان دەم دا ژى گرۆپێن سەر ب پارتا کرێکارێن کوردستانێ ڤە ب ئاشکرایی ئەو رێککەفتنە رەدکر.
لیوا قاسم خەفاجی پەیڤدارێ فەرمانداریا ئۆپەراسیۆنێن هەڤپشک یێن ئیراقێ بۆ ئاژانسا فەرمی یا ئیراقێ گۆت: نوکە دو بنگەهـ ل هەولێر و بەغدا هاتینە ڤەکرن و بریارە بەری سەرێ هەیڤێ کار تێدا بهێت کرن بۆ هەماهەنگیا د ناڤبەرا پێشمەرگەى و ئۆپەراسیۆنێن هەڤپشک دا.
خۆیاژى کر: نوکە کار بۆ ڤەگهراندنا ئاوارەیان ل شنگالێ کو ب رێککەفتن د ناڤبەرا وەزارەتا ناڤخۆ یا فیدرال و وەزارەتا پێشمەرگەى دا ناڤەندا باژاری دێ پۆلیس پارێزن و ل دەرڤە ژى سوپایێ ئیراقێ و دوپات کر: کو بتنێ دێ ئالایێ ئیراقێ ل شنگالێ هێتە بلندکرن.