کوردیو

تیدورس ئەدهانۆم ڕێڤەبەرێ‌ گشتیێ‌ ڕێكخراوا ساخلەمییا جیهانی هۆشداری دا كو چەند هەیڤێن داهاتی دێ زۆر د دژواربن و هژمارا تووشبوویێن ڤایرۆسێ‌ كۆرۆنا دێ زێدەبن.

د كۆنگرەكێ ڕۆژنامەڤانیدا ڕێڤەبەرێ‌ ڕێكخراوا ساخلەمییا جیهانی گوت: هژمارەكا زۆر یا وەڵاتان یێ‌ لسەر ڕێیەكا مەترسیدار،ژبەركو ئەم یێ‌ دقۆناغەكا دژواردا بتایبەتی نیڤا باكور یا گۆیا زەمین كو چەند هەیڤەكێن زۆر دژوار دێ بسەردا هێن.

ڕێكخراوا ساخلەمییا جیهانی داخواز ژ وەڵاتان كر ڕێ و شێوازێن نوی و بلەز بگرنەبەر بۆ ڕێگریێ‌ ل زێدەبوونا هژمارا قوربانیێن كۆرۆنا و هەڵوەشیانا خزمەتێن ساخلەمی.

ئەدهانۆك د وێ باوەرێدایە، گرتنەبەرا بلەز یا پێڕابوونان واتایا هەبوونا سەركردایەتیەكا بهێزە، و دووپاتكر ئەگەر دیڤچوون بۆ حالەتێن تووشبوونێ بهێتەكرن، دێ دەلیڤە هەبیت چاڤپۆشی ل كەرەنتین و دایێخستنا گشتی بهێتەكرن.