كورديو
دەستەیا دەستپاكییا عیراقێ ئاشكراكر، مووچێ سەرجەم وان پەڕلەمانتار و بەرپرسێن حكومی هاتە ڕاگرتن، یێن ئامادە نەبوویین فۆرما دارایی پڕبكەن.
ب گورەی هەواڵەكێ ئاژانسا (العراقیە) یا فەرمی، دەستەیا دەستپاكییا عیراقێ بڕیار داییە مووچێ وان پەڕلەمانتار و بەرپرسێن حكومی ڕاگریت، یێن هەتا نوكە فۆرما دەستپاكیێ نە پڕكری و مال و مولكێ خۆ ئاشكرا نەكری.
ئەو ژێدەرە دبێژیت: ژئەگەرێ بەڵاڤبوونا ڤایرۆسێ كۆرۆنا و داكەفتنا بهایێ نەفتێ، وەڵات دقەیرانەكا ئابوری و داراییدا دەرباز دبیت و ئەڤ كێشە بوویینە ئەگەر حكومەت نەشێت مووچێ فەرمانبەران دابین بكەت، و بۆ دابینكرنا مووچەی حكومەتێ داخواز ژ جڤاتا نوونەران كرییە پڕۆژێ یاسا قەران پەسەند بكەت.