رۆناڵد كومانی راهێنەری یانەی بەرشلۆنە نیگەرانی خۆی لە ئەنجامی یارییەكەو ئاستی ناوبژیوانان نیشاندا.

كومان لەدوای یارییەكە بۆ رۆژنامەی ماركا گوتی :" بەشێوەیەكی باش یارییمان كرد چەند دەرفەتێكمان بۆ رێككەوت،لە گێمی دووەمیش زۆر باش بووین، شایستەی ئەم دۆڕانە نەبووین، لەبەشێك لە بڕیارەكانی ناوبژیوان نەگەیشتم ، بڕیارەكانی كاریگەری لەسەر ئەنجامی یارییەكە هەبوو، بەر لە لێدانە سزاكە ئێمە لە دۆخێكی باش دابووین".

گوتیشی :" لێدانە سزاكە كاریگەری گەورەی لەسەر یارییەكە هەبوو، نازانم كاری تەكنەلۆژیای ڤیدیۆ چیە، بڕوام وایە تەنها دژ بەیانەی بەرشلۆنە بەكار دەهێندرێت، پێنج یارییمان ئەنجامداوە سوودمان لێ وەرنەگرتوە، ئەمرۆش شایستەی دۆڕان نەبووین".