کوردیو
رێڤهبهرێ گشتیێ باژێرڤانیان ل پارێزگهها دهۆكێ راگههاند، ژ بۆ دابهشكرنا پارچه عەرد بسهر فهرمانبهران لیژنهیهك ب بریارا سهرۆكاتیا ئهنجوومهنێ وهزیرێن حكومهتا ههرێما كوردستانێ هاتیه پێكئینان.
ئهندازیار دیار بهحری، رێڤهبهرێ گشتیێ باژێرڤانیان ل پارێزگهها دهۆكێ ڕاگەهاند، ناڤێن زێدهتر ژ ٢٣ هزار فهرمانبهران ل رێڤهبهریا مه هاتینه تۆماركرن بۆ هندێ پارچه عەرد لسهر وان بهێنه زەڤی دابهشكرن ئهڤه ژی ههموو ئهو فهرمانبهرن یێن ههژی بۆ وهرگرتنا پارچه عهردان، بهلێ ل سالا ٢٠١٢ ب بڕیارا ئهنجوومهنێ وهزیرێن حكومهتا ههرێما كوردستانێ دابهشكرنا پارچه عەردان هاتبوو ڕاگرتن.
بەحسا وێیەكی ژی كر، ٢٧-٧-٢٠٢٠ فهرمانهكا وهزاری دهركهفتیه و لیژنهیهك هاتیه پێكئینان ژلایێ وهزارهتا شارهوانی ڤه و ل گۆرهی شیانێن بهردهست دێ پارچه عەردان لسهر هژمارهكا فهرمانبهران هێنه دابهشكرن.
رێڤهبهرێ گشتیێ باژێرڤانیان ئهو یهك ژی نه ڤهشارت كو نها ب تنێ لیژنه هاتیه پێكئینان و هێشتا دیار نینه كا دێ كی پارچە عەردی وهرگریت و چهند دێ وهرگرن و مه نها هژمارهكا كێم یا پارچه عەردان ههیه و ئهو رێژا پێدڤی بۆ ٢٣ هزار فهرمانبهران عەرد ل بهردهست نینه.
ل گۆرهی ئامارا رێڤهبهریا گشتیا باژێرڤانیان، د سالا بۆری یا ٢٠١٩ێ دا، ٧٦٠پارچه عەرد ل سهر خێزانێن شههید و ئهنفالكری و زیندانیێن سیاسی ل سنوورێ پارێزگهها دهۆكێ هاتینه دابهشكرن.