کوردیو
ب ھەلکەفتا یادا ژدایک بونا سەروەرێ مروڤایەتیێ محمد سلاڤێن خودێ لسەربن ئەنجومەنێ زانایان و بانگەواز یا یەکگرتوویی ئیسلامی کوردستان پەیامەک بەلاڤکر.
بسم الله الرحمن الرحيم
پهیاما ئهنجومهنێ زانا و بانگهواز بههلكهفتا ژدایكبونا پێغهمبهرى سلاڤ لێ بن
قال تعالى ( وَمَا أَرْسَلْنَاكَ إِلَّا رَحْمَةً لِّلْعَالَمِينَ ) الانبياء107
ب ههلكهفتا بیرهوهریا ژدایكبوونا باشترین چێكرێت خودایى سهروهرێ پێغهمبهران پێشهوا و دلوڤانێ مرۆڤایهتیێ روناهیا جیهانێ محمد سلاڤ لێ بن، ئهم ل ئهنجومهنێ زانا و بانگهواز یا یهكگرتووی ئیسلامی كوردستان جوانترین و بهاترین پیرۆزباهیێن خۆ ئاراستهى تهڤایا مروڤایهتیێ وموسلمانێت جیهانێ و كوردستانێ و ههمى دلسۆز و وهفادارێت رێبازا پێغهمبهری سلاڤ لێ بن دكهین، وهیڤى دارین ئهڤ بیرهاتنه وپهیاما پێغهمبهرى ببیته هێڤێنێ برایهتى وپێكڤهژیانێ وبهرقراربوونا ئاشتى وئارامیێ ل وهلاتێ مه و ههمى جیهانێ.
خویشك و برایێت هێژا
ساخكرنا ڤێ بیرهاتنى ڕامانێت پڕ بها دهزر وبیر ودل ودهرونێ موسلمانا دا یێت ههین، ونیشانا حهژێكرن وڤیانێ یه، ورهنگڤهدانا وهفاداری ودلسوزیێ یه دگهل پێغهمبهرى سلاڤ لێ بن، ودهربرینا حهز وڤیانا لدیفچون وپێگێریێ یه ب رێك ورێباز ورهوشت وسالوخهتێن جوانێت پێغهمبهر پێ هاتى، ژبۆ گههشتن ب ژیانهكا شاد وبهختهوهر وپاشهروژهكا ئارام وسهرفهراز، وئهڤرو موسلمان لههمى جیهانێ ب رێك ورهنگین جودا دهربرینێ ژڤێ بیرهاتنێ دكهن ب مهرهما زیندی راگرتنا ههمى بها وبنهما ورهوشتیێت بهرز وبلندیێت پیغهمبهر پێ هاتی، وژوانان:
- گرنگیا پهروهردهكرن وفێركرنێ دگهشهپێدانا شیانێت مروڤى وپێشئێخستنا كومهلگههی دا، ودیاركرنا رولێ پێغهمبهرى دڤى بیاڤی دا، وهك ماموستا ورێنیشاندهر ورزگاركهرێ مروڤایهتیێ ژ نهزانین وتاریاتیێ بهرف باوهرى وزانینێ وهك خودایێ مهزن دبیژیت: هُوَ الَّذِي بَعَثَ فِي الْأُمِّيِّينَ رَسُولًا مِّنْهُمْ يَتْلُو عَلَيْهِمْ آيَاتِهِ وَيُزَكِّيهِمْ وَيُعَلِّمُهُمُ الْكِتَابَ وَالْحِكْمَةَ وَإِن كَانُوا مِن قَبْلُ لَفِي ضَلَالٍ مُّبِينٍ .
-باشتر نیاسینیا پێغهمبهرى سلاڤ لێ بن وبلندراگرتنا مهزناتیا رهوشت و رهفتار وسهرهداریا وى دگهل ههمى تهخ وجوینێن كومهلگههى بههمی جوداهیێن خوڤه، وهك خودایێ مهزن پهسنا وى دكهت ودبێژیت: (وَإِنَّكَ لَعَلَىٰ خُلُقٍ عَظِيمٍ)
- بمهرما چاڤلێكرن ودیفچونا وى دههمی بیاڤێت ژیانێ دا، وهك خودایێ مه دبێژیت: (لَّقَدْ كَانَ ڵكُمْ فِی رَسُولِ اللَّهِ أُسْۆهٌ حَسَنَهٌ) الاحزاب 21.
خهمخوری وههول وبزاڤێت وی خهمخوری وههول وبزاڤێت وی یێت بهردهوام دبیاڤێ بانكخوازی وچاكسازیێ دا دههمی وهخت وكاودانادا ژبۆ رزگاركرنا مروڤان ژ سهرداچونێ وبهرزهبونێ دا وهك خودایێ مهزن دبێژیت: (ڵقَدْ جَاۆكُمْ رَسُولٌ مِّنْ أَنفُسِكُمْ عَزِیزٌ عَڵیْهِ مَا عَنِتُّمْ حَڕیصٌ عَڵیْكُم بِالْمُۆْمِنِینَ رَوُوفٌ رَّحِیمٌ) التوبه 128 .
هێژایان
دوی دهمێ پێغهمبهر سلاڤ لێ بن پهیدا دبیت، مروڤایهتى دئالوزترین وسهخترین كاوداندا بۆ، وههمی رهنگێت ستهم وزورداریێ وماف خوارن دبهر بهلاڤ بوون، وهك كوشتن، وتالانكرن، وبرسیكرن، وبهنداتیكرن، وبهدرهوشتى. لهوما پێغهمبهر سلاڤ لێ بن ب پشتهڤانیا خودایێ مهزن وبرێك ورێبازهكا راست ودیار وب ئیراده وهێزهكا پولایی شیا ددمهكێ كورتدا زال بیت لسهر ههمى كرفت وئاستهنگا ودهرفهتێت ئاڤاكرنا مروڤهكێ چاك وپهیامدار، وكومهلگهههكێ ساخلهم وچاكساز وئێكگرتی پهیدابكهت، وشارستانیهكا دانای لسهر بنهمایێت برایهتى ، وئازادى، ودادپهروهرى، ووهكههڤى پێشكێشى مروڤایهتیێ بكهت.
خویشك برایێت هێژا
ئهڤرو ئهم ڤێ بیرهاتنێ ساخدكهین و كوردستان دسهخترین د روژێت خودا د بوریت بتایبهتى و جیهان ب گشتى ...قهیرانێت سالێت بورى ل ووهلاتێ مه كیرتربوینه و بێ هیڤى بوون گههشتی یه سهر ههستى ، ددهمهكى دا ل وهلاتێن ب ناڤێ دیموكراسیهتێ و مافێ مروڤى گازى دكهن ئهڤروكه وبێ شرمنانه بێ رێزى و سفكاتى ب دلوڤان ترین مروڤ وپارێزهرێ مافێ گیانداران و نهگیانداران دكهن (سلاڤێت خودێ ل سهربن) ... ههلگرێ ئالا ئاشتى و ئازادیێ بۆ دوژمنان بهرى ههڤالان ول بهرچاڤێن ههمى جیهانێ ، ئێشان و ئازاردان بۆ دلێت ههمى بوسلمانا دئێتهكرن .
شینا باس ل گهندهلى و سفكاتیا دهسههلاتان دگهل مللهتێن وان وبێ رێزى و بن پێكرنا بهایێت مروڤایهتیێ و داخازا ڤهگهراندنا مافان بۆ ستهم لێكریان بێهێتهكرن ، ئهڤروكه بها ورامان تێكهل بووینه وئاراسته هاتینه گوهارتن و كاروانێ مروڤایهتیێ كهتییه د مهترسیێ دا لهو ما پێتڤییه ڤێ ههلكهفتا پیروز بكهینه دهرفهتهك بۆ دهربازبوون ژ ڤان قهیرانان وههولدان بۆ چارهسهركرنهكا ڕیشهیی بۆ ههمى كوسب وبهربهستان ب ئامانجا دابینكرنا پاشهروژهكا باشتر وكهشتر پاراستنا گیانێ برایهتى وپێكڤه ژیانێ وئێكرێزیا نیشتیمانى، ولێك تێگههشتن وئێك ههلویستى بهرامبهر چهوانیا سهرهدهریكرن دگهل ئاستهنگ وبهربهستان وههولدان بۆ كێمكرن ونههێلانا ناكوكیێت نافخویی ورێكهفتن لسهر پاراستنا بهرژهوهندێت بلندێت مللهتى.
ئهنجامدانا جاكسازیهكا ڕیشهیی دههمى بیاڤان دا، وكاركرن ژبۆ یاسا سهروهریێ، وبهرسنگرتنا كهندهلیێ ، وچارهسهركرنا قهیرانا دارایى، ونههێلانا ههمى رهنگێت ستهم ومافخوارنێ ونهدادپهروهریێ دناڤ كومهلگههیدا.
ل دوماهیێ دووباره پیروزباهیێت خۆ ئاراستهى ههمى موسلمانێت جیهانێ وكوردستانێ دكهین،و ههر شێوازهكێ سفكاتیێ و بێرێزیێ بهرامبهر ههر كهس و وهلات و ئاین و وبههمى شێوازان ریسوا و شەرمزار دکەین بتایبهت بهرامبهر خوشتڤیێ خۆ (سلاڤێت خۆدێ ل سهربن) داخازێ ژ لایهنێن پهیوهندیدار ب ئهركێ خۆ رابن بهرامبهر ئهف بێرێزیا د ئێته كرن .
وهیڤى خوازین خودایێ مهزن پشتهڤان وهاریكارێ مه ومللهتێ مه ببیت لسهر پێگیری ولدیفچونا رێك ورێباز ورهوشتێت پێغهمبهرى سلاڤ لێ بن، ومللهت ووهلاتێ مه رزگار بكهت ژ ههمى ئاستهنگ وقهیران وگرفتان .
ئهنجومهنێ زانا و بانگهواز
یهكگرتوویی ئیسلامی كوردستان
11 ربیع الاول 1442م
28/10/2020