بەیەك گەیشتنە مەزنەكە چیە ؟؟
كوردی عربي English

هه‌واڵ وه‌رزش وتــار دیدار و چاوپێكه‌وتن فۆتۆگه‌له‌ری ڤیدیۆگه‌له‌ری ده‌رباره‌ی ئێمه‌
x

بەیەك گەیشتنە مەزنەكە چیە ؟؟

 

 

بەیەك گەیشتنە مەزنەكەی هەردوو هەسارەی جوپیتەرو ساتۆرن واتە موشتەری و زوحەل بۆ دیدو چاوی ئێمە لەسەر زەوی دوای نزیكەی مانگ و نیوێكی تر ڕوودەدات، لەو ڕۆژەدا بۆ چاوی ئێمە هەردوو هەسارە ئەوەندە لەیەكتر نزیك دەبنەوە وەكو ئەوە وایە خەریك بێت بەیەكترەوە بنوسێن..!

ئەمە ڕووداوێكی گەردوونی زۆر جوان و سەرنج ڕاكێشە لە شەوی 21 ی مانگی دوانزەی ئەمساڵ 2020 ڕوودەدات.

هەموو نزیكەی 20 ساڵ جارێك ئەم دوو هەسارەیە بۆ دیدی ئێمە لەیەكتر نزیك دەبنەوە، بەڵام دوا جار ئەو دیاردە گەردوونیە بەم شێوەیە ڕوویدابێت و بینرابێت لەلایەن مرۆڤەوە واتە وەكو ئەمجارە بەم شێوەیە ئەوەندە لەیەكتر نزیك بووبنەوە پێش نزیكەی 400 ساڵ بووە، بە وردی دواجار ئەم دیاردەیە بەم شێوەیەی ئەمجارە لەساڵی (1623) ی میلادی ڕوویداوە.

ئەمجارە لەو شەوەدا واتە لە شەوی (21) ی مانگی دوانزەی ئەمساڵ (2020) ئەگەر دوای خۆر ئاوابوون بەیەك دوو كاتژمێر بچینە دەرەوەو تەماشای دیوی باشوری خۆرئاوای ئاسمان بكەین هەردوو هەسارەی موشتەری و زوحەل دەبینین زۆر زۆر لەیەكتر نزیكن، ئەو شەوە بەشێوەیەك لە یەكتر نزیكن بۆ چاوی ئێمە كە تروسكاییان بەر یەكتر دەكەوێت، بۆ زانیاریتان دوری نێوانیان بەگۆشە دەبێتە تەنیا (0.1) پلە، دیاردەكە زۆر جوان و سەرنجڕاكێش دەبێت، هەسارەی موشتەری وەكو ئەستێرەیەكی پرشنگدار دەردەكەوێت بۆمان، زوحەل پرشنگ و درەوشانەوەی كەمترە لە موشتەری، بەڵام ئەویش تا ڕادەیەكی باش درەوشاوەیە، ئێستاش ئەگەر شەوان بچینە دەرەوە دەبینین لە هەمان شوێنن بەڵام دوری نێوانیان ئێستا نزیكەی (10) پلەیە، واتە تا ئەو كاتە نزیكەی (100) ئەوەندە لەیەكتر نزیك دەبنەوە.

(لوقمان حەوێز – تێكساس)

هه‌واڵی گرنگ